“Азия оҕолоругар” сүүмэрдиир күрэхтэһии саҕаланна

Покровскай. Бүгүҥҥүттэн боксаҕа 15-16 саастаах уолаттар ортолоругар “Азия оҕолоро” норуоттар икки ардыларынааҕы VIII спортивнай оонньууларга сүүмэрдиир күрэхтэһии саҕаланна.

Боксаҕа ССРС чемпиона уонна призёра, 1990 сыллаахха Үтүө Дьулуур оонньууларын II призёра, 1992 с. Барселонаҕа ыытыллыбыт Олимпийскай оонньуулар кыттыылаахтара, норуоттар икки ардыларынааҕы кылаастаах спорт маастара Анатолий Филиппов бирииһигэр республикаҕа бастыыр иһин күрэхтэһиигэ күүстээх боксердар кэлбиттэр.

Барыта 18 хамаанда, ол иһигэр Уус Майаттан, Мирнэйтэн, Нерюнгриттэн, Өлүөхүмэттэн тиийэ кэлбиттэр. 133 эдэр боксёр рингэҕэ киирсиэҕэ.

Уйбаан УЙГУУРАП.

Ааптар хаартыскаҕа түһэриитэ.