Хайыһардар дайдылар

Бүгүн Алдаҥҥа, Саха сирин спорт кыһыҥҥы көрүҥнэригэр спартакиадатын бастакы күнэ хайаттан хайыһарынан түһүүнэн уонна хайыһарга күрэхтэһиинэн саҕаланна.

Ол курдук, спортивнай оскуола иннинээҕи трибунаҕа хайыһарга кыргыттар, дьахталлар 10 км, уолаттар уонна эр дьон 15 км классическай ньыманан сүүрүүлэрэ буолла. Хайыһар көрүҥэ – быйылгы спартакиадаҕа саамай элбэх кыттааччылаах көрүҥ. Манна элбэх мэтээл оонньонор. Сарсын сприҥҥэ сүүрүүлэр буолуохтара.

Бүгүн күнүс 14:00 чаастан Саха сирин спорт кыһыҥҥы көрүҥнэригэр V спартакиадатын үөрүүлээх аһыллыыта буолар.

Спартакиада бастакы чемпионнара уонна призердара:

Эр дьон, 15 км: 1. Михаил Соснин (Алдан), 2. Никита Шестаков (Амма), 3. Александр Филиппов (Нерюнгри).

Дьахталлар, 10 км: 1. Анастасия Дубова (Алдан), 2. Евгения Сергеева (Дьокуускай), 3. Альбина Абсатарова (Нерюнгри).

Уолаттар 2004-2007 с.т. 15 км: 1. Алексей Распутин (Нерюнгри), 2. Вадим Кривоногов (Нерюнгри), 3. Александр Процук (Нерюнгри).

Кыргыттар 2004-2007 с.т. 10 км: 1. Инна Рыбкина (Алдан), 2. Людмила Бронникова (Нерюнгри), 3. Регина Петрова (Нерюнгри).

Петр ПАВЛОВ хаартыскаҕа түһэриилэрэ.