Сонуннар

Спорду суолталыыр оскуола

Оскуола – оҕолор билии-көрүү ылар сирдэрэ эрэ буолбакка, талааннара арыллар, ыра санаалара олоххо киирэр сирдэрэ. Бу ыстатыйаҕа биһиги куорат биир бастыҥ оскуолатын үөрэнээччилэрэ улахан күрэхтэһиилэргэ кыттан, оскуола аатын чиэстээбит, устуоруйатын үтүөнэн байыппыт түгэннэрин туһунан үллэстиэхпитин баҕарабыт.

Билиҥҥи кэм киһитэ чэбдик олоҕу өрө тутар, эт-хаан чэгиэн буолуута өй-санаа аһаҕас буолуутун мэктиэтэ, олоххо ситиһии төрүөтэ буоларын өйдүүр. Ол аныгы оскуола иитэр-үөрэтэр үлэтин өҥөтө буолара – биллэн турар суол.

Дьокуускай куорат 38 нүөмэрдээх оскуолатыгар физкультура учууталлара үөрэнээччи дьоҕурун таба көрөн, сайыннарар сыаллаах дьарыктыыллар. Александр Николаевич Кузьмин уонна Анатолий Михайлович Кириллин бэйэлэрэ спорду өрө тутар, спорт араас көрүҥнэригэр дэгиттэр талааннаах, тус бэйэлэрэ кэккэ ситиһиилэрдээх спортсменнар. Ол иһигэр чэпчэки атлетика, баскетбол, волейбол, футбол уонна да атын көрүҥнэринэн утумнаахтык дьарыктыыллар. Кинилэр эти-хааны сайыннарарга үөрэтэринэн муҥурдаммакка, куоталаһыы, туруулаһыы, дьулуһуу тыынын иҥэрэллэр, хамаандаҕа үлэлииллэригэр эппиэтинэһи сүгэргэ, наада тирээтэҕинэ бэйэ толкуйун хобуу охсон кыайыыга дьулуһарга үөрэтэллэр.

– Физкультура учууталын быһыытынан үлэбэр үөрэнээччи доруобуйата бастакы миэстэни ылар, — диир Александр Николаевич. – Оҕолору эт-хаан өттүнэн эрэ буолбакка, майгы-сигили, киһи буолуу бастыҥ өрүттэрин сайыннарарга үлэлэһэбин. Ол көҥүл буолуу, күүстээх санааланыы, утарсааччыны ытыктааһын, балыыра суох киирсии. Спорт – бэйэни ииттинии, салайыныы эйгэтэ эбээт.

Үөрэх программатын биир уратытынан, 38 нүөмэрдээх оскуолаҕа физкультура уруоктарыгар спорт маассабай көрүҥнэригэр: волейболга, баскетболга, мини-футболга ордук болҕомто ууруллар. Маны таһынан гимнастиканы, чэпчэки атлетиканы уонна өбүгэ төрүт оонньууларын эмиэ хайаан да киллэрэбит. Оҕолор спорт араас көрүҥүн боруобалаан, бэйэлэрэ сөбүлүүр, кыахтарыгар, майгыларыгар сөп түбэһэр көрүҥү булалларын ситиһэбит, дьаныһан дьарыктанар баҕаны үөскэтэргэ дьулуһабыт”, — диэн Александр Николаевич бэлиэтиир.

Күһүн, үөрэх дьылын саҕаланыытыгар, сүүмэрдиир күрэхтэһиилэр ыытыллаллар, оннук муниципальнай уонна республиканскай күрэхтэһиилэргэ бэлэмнэнэр хамаандалар састааптара таҥыллар.

“Үөрэнээччи оскуола сааһыгар олоҕун оҥкула ууруллар, кини лиичинэс буола сайдарыгар спорт оруола улахан. Мин тус бэйэм холобурбунан, сүбэнэн-аманан даҕаны оҕоҕо көмөлөһөргө, чөл олох суолун тутуһарга көмөһүөхпүн баҕарабын”, — диир Александр Николаевич.

Дьокуускай куорат 38 нүөмэрдээх оскуолата бары өттүнэн тэтимнээхтик сайдар. Аныгы олоххо сөп түбэһэн спорка интэриэстээх төрөппүттэр бааллара киһини үөрдэр. “Аҕа сүбэтин” кытта байыаннай-патриотическай тэрээһиннэри ыытлар. Кинилэр кэлэн саха төрүт оонньууларыгар маастар-кылаастары ыытан иитэр үлэни сэргэхситэллэр.

– Оскуола үөрэнээччилэригэр спорт оруола улахан суолталаах, — диир Александр Николаевич. – Оскуола сааьыгар тыгын буоларыгар тирэх буолар, спорт бу процесска улахан миэстэни ылар. Мин үөрэнээччилэрбэр холобур буоларга дьулуһабын уонна сөптөөх үөрэтиилэри биэрэргэ кыһаллабын.

Дьокуускай куорат 38 нүөмэрдээх оскуолата бары өттүнэн тэтимнээхтик сайдар. Ордук төрөппүттэр кэлэн маастар-кылаастары ыытан көмөлөһөр “Саха народнай оонньуулара” сайдыылара киһини үөрдэр. Ол эрээри, Александр Николаевич өссө элбэх үөрэнээччини хабар, үлэ баарын билинэр.

– Аныгы үйэҕэ учуутал миэстэтигэр туруо суохтаах, — диир Александр Николаевич. – Биһиги тас эйгэни кытта тэҥҥэ сайдыахтаахпыт уонна табыгастаах пособиелары, методическай ыйыылары туһаныахтаахпыт. Ити эдэр учууталларга көмөлөһөр уонна үөрэх хаачыстыбатын үрдэтиигэ көмөлөһөр.

Дьокуускай куорат 38 нүөмэрдээх оскуолата бэйэтин спортивнай ситиһиилэринэн киэн туттар. Үгүс үөрэнээччилэр спордунан дьарыктаналлар, үрдүк ситиһиилэри ситиһэллэр, республика, оннооҕор аан дойдутааҕы турнирдар буола тураллар. Онуоха атын предметтэргэ үөрэтии эмиэ үрдүк таһымҥа хаалар.

– Оскуолабыт спортивнай программата салгыы сайдар, — диэн Александр Николаевич түмүктүүр. – Биһиги коллегабытын кытта Анатолий Михайловиһы кытта үөрэнээччилэр маассабай буолууларын, баҕа санааларын уонна сайдыыларын үрдүк таһымҥа хаалларалларыгар бары кыһамньыбытын уурабыт. Дьокуускай куорат 38 нүөмэрдээх оскуолата – былдьаммат олох сорҕото!

Александр Николаевич уонна Анатолий Михайлович оҕолору, ыччаты кытта үлэҕэ улахан уопуттаах, кинилэр квалификацияларын мэлдьи үрдэтэллэр. Кинилэр үлэлэринэн, 38 нүөмэрдээх оскуола үгүс үөрэнээччилэрэ араас күрэхтэһиилэр кыайыылаахтарынан, призердарынан буоллулар.

Кира ВАСИЛЬЕВА, Самира ИННОКЕНТЬЕВА, Дьокуускай куорат 38 нүөмэрдээх оскуолатын 10 «а» кылааһын үөрэнээччилэрэ.

Добавить комментарий

Ваш адрес email не будет опубликован. Обязательные поля помечены *

160238
Бүгүн : 138