Күрэс тыынын билэн кэллибит

Ааспыт өрөбүллэргэ Томпо улууһун киинигэр Хаандыгаҕа “Томпо баһылыгын Кубога” бу сылга маҥнайгы рейтиннээх, “А” категориялаах күрэхтэһиигэ Таатта улууһун хамаандатыгар Харбалаахтан биэс, Чымынаайыттан биир, Чычымахтан икки буолан кыттан, күрэс тыынын билэн кэллибит.

Бары кэриэтэ саҥа саҕалааччы охчуттар бэйэлэрин маннык улахан күрэхтэһиигэ тургутан көрбүттэрэ хайҕаллаах! Томполор (сал. Андросов П.С., ох сүрүн тренерэ, ЦСиК Алроса дириэктэрэ) күрэс тэрээһинин бэрткэ да тэрийбиттэр.

Түмүккэ кыргыттарга Борисова Дайаана боруонса, уолаттарга Оконешников Саша боруонса, эр дьоҥҥо Тистяхов Виктор икки боруонса мэтээллэри Тааттаҕа аҕаллылар.

Биир эрэ очконан уопсай түмүккэ 4-с буолан хаалла! Уолба учуутала Ольга Кусатова – кмс, биэс оскуола кыргыттара 1-2 юношесткай, уолаттарга Саша 1 юношесткай, эр дьоҥҥо икки охчут 2-3 спортивнай разряд нуорматын толордулар. Сыыһаларбытын, халтыларбытын көннөрүнэргэ сүбэ-ама ылан, күрэс тыыныгар опытыран кэллибит.

Харбалаахтан Таатта чиэһин көмүскээтилэр: Ньургуяна, Виталий Яковлевтар, Борис Борисов, Саша Оконешников уонна мин.

Барҕа махтал тылларын этэбин, тиэрдэбин Норуот депутатыгар, “Төлөн” АО салайааччыта Рахлеев Прокопий Дмитриевичка, Кондрашов Виктор Викторовичка уонна бары үлэһиттэригэр бензининэн хааччыйан көмөҕүт иһин. Ону тэҥэ Махтал мааныта Сердцев Григорий Семеновичка сылаас, сымнаҕас олбохтоох тимир көлөтүнэн бэркэ да күрэскэ кыттарбытыгар илдьэн-аҕалан сырытыннарбытыгар!

Махтанабын иитиллээчим Кэрэ аҥардарыгар, төрөппүттэригэр, аймахтарыгар уонна бары “ыалдьааччыларбар”, Эһиги көмөҕүтүнэн Манчаары оонньууларыгар киирэр Төрүт ох көрүҥэр үүнэн-сайдан иһиэхпит, үрдүк кирбиилэри дабайыахпыт!

Ньургун ТИСТЯХОВ.

Таатта – Харбалаах.