Улуус саахыматчыттарыгар анаан сеанс тэриллэрэ буоллар

Тохсунньу 22 – олунньу 1 күннэригэр биһиги Дьокуускайбытыгар Ил Дархан кубогар эр дьон саахымакка күрэхтэһиитэ ыытыллар. Манна үрдүк таһымнаах, күүстээх спортсменнар ыҥырыллан кытталлар. Бүгүҥҥүттэн кыттааччылар кэлитэлээн эрэллэр.

Саахымат ахсаабат пропагандиһа, “Дьулурҕан” ааптара, РФ Суруналыыстарын союһун чилиэнэ Степан Андреевич Андреев бу күрэхтэһиинэн сибээстээн бэйэтэ маннык этиилэри киллэрэр.

Быйылгы Ил Дархан Кубогар маннык түгэннэр учуоттаналлара буоллар дии саныыбын.

Бастакытынан, бириэмэтигэр сырдатыллан иһэригэр. Анаан-минээн муҥ саатар күн ахсын 10-15 мүнүүтэҕэ НКИХ, эбэтэр Мамонт ханаалларыгар.

Иккиһинэн, ааспыкка Саха сирин бастыҥ саахыматчыттара хайдах оонньоон иһэллэрин сырдатыы мөлтөх этэ. Былырыын Борис Грачев, Володар Мурзин, Михаил Кобалиия уо.д.а. гроссмейстердар тустарынан үгүстүк суруйбуттара.

Үсүһүнэн, Намҥа дуу, Покровскайга дуу, Алын Бэстээххэ дуу сеанс ыытыллара буоллар, бачча кэлэн биэрбиттэрин туһанан. Бэстээххэ Заречье улуустара да кыттыа этилэр.

Төрдүһүнэн, тохсунньу 25 күнүгэр “Тайм аут” биэриигэ Баира Кованова, Россия 2023 с. чемпионката кыттара буоллар. Былырыын Борис Грачев олус табыллан кэпсээбитэ.

«Дьулурҕан».