Эдэр корреспонденнары көрдүүбүт

«Сахапечать» тэрилтэ иһинэн бэчээттэнэн тахсар республикатааҕы «Забота-Арчы» хаһыат спорка уонна чөл олоххо аналлаах «Дьулурҕан» сыһыарыытыгар төрөөбүт тылларынан суруйар үөрэнээччилэри, инникитин суруналыыс буолуон баҕарар эдэр корреспонденнары көрдүүбүт.

Ити барыта билиҥҥи кэмҥэ оҕону сахалыы сурукка-бичиккэ, ааҕыыга, билиигэ-көрүүгэ уонна биллэн турар төрөөбүт тылы сайыннарыыга – сырдыкка, кэрэҕэ угуйуу буолар. Онон киэҥ нэлэмэн Сахабыт сирин араас куораттарын, улуустарын учууталлара, оҕолору кытта үлэлэһэр специалистара – дьоҕурдаах оҕолору биһиэхэ сыһыаран, кинилэр талааннарын арыйарга күүс-көмө, өйөбүл буолалларыгар ыҥырабыт.

“Дьулурҕаҥҥа” сүрүннээн спорт уонна чөл, чэгиэн-чэбдик олох туһунан суруйуулар бэчээттэнэллэр. Манна оҕолор спорка сыһыаннарын, ситиһиилэрин, тренердэрин, эбэтэр спортсмен доҕордорун, спортивнай лааҕыр олоҕун, о.д.а. туһунан суруйууларын ыытыахтарын сөп.

Билсэр телефоҥҥут 89246612067 (ватсаап).

Петр Павлов, «Дьулурҕан» хаһыат редактора.