Быыстапкаҕа ыҥырабыт!

Күндү куорат олохтоохторо уонна ыалдьыттара! Саха омугу үрдүк үктэлгэ таһаарбыт улуу тренер – Саха АССР үтүөлээх учуутала, ССРС, РСФСР, Саха АССР үтүөлээх тренерэ, “Бочуот Знага” уонна Октябрьскай революция орденнар кавалердара, Саха сирин “ХХ үйэ Бастыҥ киһитэ” Дмитрий Петрович Коркин төрөөбүтэ 95 сылынан, “Строительнай” Атыы киинин быыстапкалыыр саалатыгар, балаҕан ыйын 5-14 күннэригэр “Коркинныы олоруохха! Коркинныы айыахха!” диэн быыстапкаҕа ыҥырабыт.

Быыстапкаҕа – Саха сирин музейдарын уонна коллекционердарын сэдэх экспонаттара туруоруллуохтара.

Сахабыт тустуутун сайдыытыгар туһаайыллыбыт “төгүрүк остуоллар”, лекциялар, Чурапчы интэринээт-оскуоланы араас сылларга бүтэрбит оҕолор түмсүүлэрэ, саҥа кинигэлэр сүрэхтэниилэрэ тэриллэн ыытыллыахтара.

Быыстапка үөрүүлээх аһыллыыта балаҕан ыйын 5 чыыһылатыгар күнүс 14:00 чааска буолуоҕа.

Күндү куорат олохтоохторо уонна ыалдьыттара, бу ыйыллыбыт күннэргэ кэлэн быыстапканы көрүҥ, сэргээҥ, санааҕытын атастаһыҥ.

Буолар сирэ – Дьокуускай куорат, “Строительнай” Атыы-эргиэгэн киинин бастакы этээһигэр быыстапкалыыр саалата.

Жорницкай уул. 35 №-рэ (кыһыл өҥнөөх дьиэ).

Билсэр төл: 8-914-281-18-52, 8-999-949-48-90.

Тэрийэр бөлөх.