Сонуннар

Волейболга дьахталлар ортолоругар l-кы лига чемпионата

Кулун тутар 16-19 күннэригэр “Кыайыы 50 сыла” Спорт дыбарыаһыгар волейболга l-кы лигаҕа киирбит, кыргыттар ортолоругар Саха Өрөспүүбүлүкэтин чемпионата ыытылынна.

Икки бөлөҕүнэн 8 күүстээх хамаанда 6 иһигэр киирэр иһин оонньоотулар. “А” бөлөххө: Амма, Мэҥэ Хаҥалас, ХИФУ, Дьокуускай. “Б” бөлөххө: Уус-Алдан, Чурапчы, Өлүөхүмэ, Нам оонньоотулар.

Бөлөхтөрүгэр бастакы-иккис миэстэлэри ылбыттар бастакы финал аҥаарыгар: Дьокуускай Уус-Алданы 3:1, ХИФУ Чурапчыны 3:0 ахсаанынан кыайан, үһүс-төрдүс миэстэни былдьаһыыга Уус-Алдан Чурапчыны 3:0 хотон, үһүс миэстэни ылла.

Финалга Дьокуускай – ХИФУ хамаандатын 3:2 ахсааҥҥа кыайан, чемпион үрдүк аатын ылла.

Бэһис-алтыс миэстэлэри быһаарсыыга Нам хамаандата Мэҥэ Хаҥалас хамаандатыгар сабырыйтаран, бастакы лигаҕа хаалбытын бэлиэтиир тоҕоостоох. Бу лигаҕа оонньообут Өлүөхүмэ уонна Амма хамаандалара иккис лигаҕа түстүлэр. Ол оннугар иккис лигаҕа бастакы, иккис миэстэлэри ылбыт Мииринэй уонна АГАТУ хамаандалара бастакы лигаҕа оонньуохтара.

Чемпионат түмүгүнэн анал бириистэринэн наҕараадаланнылар:

“Бастыҥ туруорааччы” – ХИФУ -тан Надежда Владимирова, “Бастыҥ күүстээх охсооччунан ” – Дьокуускайтан Клавдия Федорова, “Бастыҥ көмүскээччинэн” – Уус Алдантан Анна Готовцева, “Бастыҥ туһалаах оонньооччунан” – Чурапчыттан Валерия Захарова уонна чемпионат “Бастыҥ оонньооччутунан” – Дьокуускай хамаандатын тренерэ, Арассыыйа спордун маастара Светлана Муратова ааттаннылар.

Онтуон.

Хаартыскаҕа: үһүс буолбут Уус Алдан хамаандата (тренер Максим Аммосов).

Добавить комментарий

Ваш адрес email не будет опубликован. Обязательные поля помечены *

199039
Бүгүн : 330