Сонуннар

Каспийскай-2023: Кыайыылааҕы биэтэк быһаарыа

Дагестаҥҥа Россия көҥүл тустууга чемпионата түмүктүүр түһүмэххэ таҕыста. Бэҕэһээ икки ыйааһыҥҥа (86, 92 кг) чемпионнар быһаарылыннылар.

Онуоха «Дьулурҕан» тэрийбит куонкурсугар 27 кыттааччыттан 26 киһи 86 киилэҕэ олимпийскай призёр Артур Найфонов чемпионнуур диэн билгэлээбиттэрэ туолбата. Бу ыйааһыҥҥа кыайыылааҕынан Арслан Багаев (Москва) буолла. Кинини ким да бастыа диэн сылыктаабатаҕа.

Оттон 92 киилэҕэ Владислав Валиев чемпионнуо диэн 5 киһи эппит: Евгений Огоюкин, Тимур Константинов, Александр Васильев, Гаврил Игнатьев, Алексей Бережнев.

Онон билиҥҥитэ куонкуруспутугар син биир Анастасия Алексеева 5 очколаах инники сылдьар. Василий Алексеев, Айсен Молуков, Александр Васильев, Лариса Евсеева, Надежда Васильева, Алексей Бережнев 4-туу очукуолаахтар. Дьэ, ким кыайыай?

Хомойуох иһин, куонкурус иккис ыйытыга туолбата. Биир дойдулаахтарбытыттан ким даҕаны бириистээх миэстэҕэ киирбэтэ.

Аны бүгүн үс ыйааһыҥҥа чемпионнар быһаарыллыахтара.

79 кг: Ахмед Усманов (Дагестан) – Гаджимурад Алихмаев (Брянскай)

97 кг: Магомед Курбанов – Алихан Жабраилов (иккиэн Дагестан)

125 кг: Абудулла Курбанов (Краснодар) – Эрик Джиоев (Красноярскай).

Бу финальнай хапсыһыылар түмүктэринэн биһиги куонкуруспут кыайыылааҕа быһаарыллыа.

Санатан эттэххэ, куонкурус кыайыылааҕа «Первый борцовский» сурунаал редактора Иван Барашков «Бриллианты борцовского ковра» диэн саҥа тахсыбыт кинигэтинэн наҕараадаланыа.

«Дьулурҕан».

 

Добавить комментарий

Ваш адрес email не будет опубликован. Обязательные поля помечены *

161110
Бүгүн : 164