Каспийскай-2023: Куонкуруска Анастасия Алексеева чорбойдо

Көҥүл тустууга Россия чемпионатыгар анаан олохсуйбут үгэс быһыытынан спорду таптааччыларга, тустууну сэҥээрээччилэргэ куонкурус биллэрбиппит.

Куонкуруспут икки ыйытыыттан турбута. Бастакыта, ыйааһыннарынан чемпионнары ааттааһын, иккиһэ – биир дойдулаахтарбытыттан кимнээх хаһыс миэстэни ылалларын таайыы. Куонкуруспут эр дьон тустуутугар эрэ сыһыаннаах этэ.

Онуоха, бу күҥҥэ биэс ыйааһын түмүгүнэн билигин Анастасия Алексеева чемпионнары барыларын таба ааттаан, инники таҕыста. Киниттэн биир очукуонан хаалан Василий Алексеев, Айсен Молуков, Лариса Евсеева, Надежда Алексеева билиҥҥитэ саппай уопсан, иккис иһэллэр.

Аны бүгүн, сарсын биэс ыйааһын кыайыылаахтара биллэрэ хаалла. Дьэ, син эмиэ Каспийскайга, Россия чемпионатыгар курдук, биһиги куонкуруспутугар киирсии сытыы тыҥааһыннаах буолла. Анастасия кыайыа дуо, эбэтэр кинини ситэн ааһаллар дуу? Барытын түһүлгэ быһаарыа. Кэтэһэбит.

Санатан эттэххэ, куонкурус кыайыылааҕа «Первый борцовский» сурунаал редактора Иван Барашков «Бриллианты борцовского ковра» диэн саҥа тахсыбыт кинигэтинэн наҕараадаланыа.

«Дьулурҕан».