В.И. Степанов – Буучугурас бирииһигэр хапсаҕай түһүлгэтэ

Олунньу 28 – кулун тутар 1 күннэригэр Үөһээ Бүлүүгэ “Үс хоһуун” успуорт саалатыгар Саха сирин киэн туттар бөҕөһө, хапсаҕайга бастакы абсолютнай чемпион Василий Иннокентьевич Степанов — Буучугурас сырдык аатыгар 42-с төгүлүн ыытыллар хапсаҕайга өрөспүүбүлүкэтээҕи А категориялаах күрэхтэһии буолан ааста.

1965 сылтан 1987 сылга диэри улуус таһымнаах күрэхтэһии эбит буоллаҕына, 1987 сылтан А категориялаах, өрөспүүбүлүкэ таһымнаах буолбут. Хапсаҕай уйатынан аатырар Үөһээ Бүлүү улууһугар уопсайа 168 бөҕөс, 15 улуустан кэлэн түһүлгэни киэргэттилэр. Оҕолор 6 ыйааһыҥҥа, ол эбэтэр 45, 50, 55, 62, 70 уонна 70 киилэттэн үөһээ, эр дьон 57, 65, 75, 85 уонна 95 киилэҕэ туһуннулар. Оттон убаастабыллаах бэтэрээннэр 60, 70, 80, 90 уонна 90 киилэттэн үөһээ ыйааһыҥҥа кииристилэр.

Түөрт аан дойду таһымнаах бөҕөстөр: Иван Семенов(Кэбээйи), Леонид Попов(Таатта), Пантелеймон Николаев(Үөһээ Бүлүү), Николай Николаев (Бүлүү), Азия континенын икки: Семен Тимофеев уонна Федор Данилов (Үөһээ Бүлүү), өрөспүүбүлүкэ биэс Аар Дарханнара: Увар Тимофеев (Үөһээ Бүлүү), Николай Николаев (Бүлүү), Айсен Килибеев (Сунтаар), Никита Софронов (Чурапчы), Иван Семенов (Кэбээйи), норуоттар икки ардыларынааҕы “Азия оҕолоро” оонньууларын чөмпүйүөннэрэ: Кэбээйиттэн Вячеслав Ноговицын уонна Олег Кононов бааллара күрэхтэһиибит таһымын өссө үрдэттэ.

Икки күннээх сымсалар, күүстээхтэр, бөҕөлөр күөн көрсүһүүлэрин түмүгэ маннык буолла:

Оҕолорго

45 киилэҕэ 9 уолтан: 3 м Эрхан Васильев (Үөһээ Бүлүү); 2 м Егор Семенов (Үөһээ Бүлүү), 1 м Владислав Лебедкин (Кэбээйи).

50 киилэҕэ: 3 м Эльдар Жучкин (Бүлүү), 2 м Анатолий Антонов (Кэбээйи), 1 м Олег Семенов (Кэбээйи).

55 киилэҕэ: 3 м Игорь Аталларов (Үөһээ Бүлүү), 2 м Иннокентий Иванов (Ньурба), 1 м Георгий Новгородов (Үөһээ Бүлүү).

Саамай элбэх 18 бөҕөс 62 киилэҕэ туһунна: 3 м Ньургун Николаев (Бүлүү); 2 м Кэскил Федоров (Үөһээ Бүлүү); 1 м Олег Кононов ( Кэбээйи).

70 киилэҕэ: 3 м Петр Сымытов (Ньурба), 2 м Сахаян Давыдов (Үөһээ Бүлүү); 1м Ратмир Прокопьев (Бүлүү)

70 киилэни аһары үктүүр уолаттарга: 3 м Максим Сергин (Бүлүү); 2 м Версан Григорьев (Үөһээ Бүлүү); 1 м Давид Чириков (Үөһээ Бүлүү).

Эр дьоҥҥо

57 киилэҕэ: 1м Пантелеймон Николаев; 2 м Леонид Яковлев; 3 м Александр Егоров (үһүөн Үөһээ Бүлүү эр хоһууттара) буоллулар.

65 киилэҕэ кыайыылаах үрдүк аатын Бүлүү бүдүрүйбэт бөҕөһө Мичил Осипов буолла, 2-кэ Сандал Саввинов, 3-кэ Ньургун Терентьев Үөһээ Бүлүү бөҕөстөрө буоллулар.

75 киилэҕэ: 1 м Ньургустаан Брощев (Бүлүү), 2 м Гаврил Илларионов (Үөһээ Бүлүү); 3 м Иван Семенов (Кэбээйи).

85киилэҕэ: 1 м Петр Павлов (Мирнэй); 2 м Аян Петров (Ньурба); 3 м Константин Ефимов (Таатта)

95 киилэҕэ: 1 м Александр Халыев (Таатта), 2 м Сергей Николаев (Үөһээ Бүлүү); 3 м Павел Николаев (Кэбээйи).

95 киилэттэн үөһээ 1 м Никита Софронов (Чурапчы), 2 м Харысхан Баппаҕай (Үөһээ Бүлүү); 3 м Эдуард Максимов (Нам).

Ытыктабыллаах бэтэрээннэргэ

60 киилэҕэ: 1 м Степан Родионов (Үөһээ Бүлүү); 2 м Петр Соловьев (Кэбээйи); 3 м Василий Осипов (Бүлүү).

70 киилэҕэ: 1м Василий Максимов (Амма); 2 м Николай Иванов (Таатта); 3 м Петр Осипов (Ньурба).

90 киилэҕэ: 1-кы миэстэ Федор Данилов (Үөһээ Бүлүү); 2 м Платон Саввинов (Үөһээ Бүлүү), 3 м Юрий Константинов (Мирнэй).

90 киилэттэн үөһээ: 3-с миэстэ Рустам Иннокентьев (Ньурба), 2-кэ Степан Гаврильев (Хаҥалас), 1 м Увар Тимофеев (Үөһээ Бүлүү).

Ыйааһыҥҥа киирсиилэр кэннилэриттэн хапсаҕай сүгүрүйээччилэрэ бары күүтэр  күрэхтэрэ, Муҥутуур кыайыылааҕы быһаарар хапсыһыылар, буолбуттара. Оҕолорго “Муҥутуур кыайыылаах” аатын утарсааччыларын барыларын кыайан, Бүлүү улууһуттан Ратмир Прокопьев сүктэ уонна 20 тыһ. наҕараадаланна. Эр дьоҥҥо 75 киилэҕэ диэри Иван Семенов Кэбээйи улууһуттан аатын дорҕоонноохтук ааттатта уонна 100 тыһ. наҕараадаланна. Кыайтаран иһэн, бэрт аҕыйах сөкүүндэ хаалбытыгар утарсааччытын охторон көрөөччүлэр биһирэбиллэрин ылла, саала дьонун уһугуннарда.

75 киилэттэн үөһээ ыйааһыҥҥа Бүлүү бүдүрүйбэт бөҕөһө, бэйэтин аатын араас түһүлгэлэргэ ааттата сылдьар Николай Николаев “Муҥутуур кыайыылаах” буолан көрөөччүлэрин үөртэ. Бэтэрээннэргэ Үөһээ Бүлүүттэн Увар Тимофеев «Муҥутуур кыайыылаах» буолла.

Саха АССР хапсаҕайга спордун маастара, саха норуотун киэн туттар бөҕөһө Василий Иннокентьевич Степанов – Буучугурас аатын үйэтитиигэ аналлаах хапсаҕай күрэҕэ үрдүк тэрээһиннээхтик ааста. Бөҕөстөр ыраахтан аат ааттаан айаннаан кэлэн үчүгэй хапсыһыылары көрдөрөн түһүлгэни киэргэттилэр. Хапсаҕайы сэҥээрээччилэргэ бэрт астык өрөбүллэр аастылар. Күрэсчиттэргэ ыһыытаан – хаһыытаан, кыайыыга кынаттаан олус үчүгэйдик көрдүбүт. Инникитин өссө да үрдүк ситиһиилэри, саҥа кыайыылары баҕарабыт!

Успуордунан дьарыктаныҥ, чөл олохтоох, бэйэҕитигэр эрэллээх, дьулуурдаах, тулуурдаах буолуҥ.

Алина САННИКОВА, 11-с кылаас үөрэнээччитэ, «Эрчим» медиакиин, Дүллүкү, Үөһээ Бүлүү.

Ааптар хаартыскалара.