«Дьулурҕан» – Саха сирин спордун кэрэһитэ

Ааспыт 2024 сыл ыытыллыбыт бары улахан таһымнаах күрэхтэһиилэр – «Дьулурҕан» хаһыакка, бу хаһыат сайтыгар, ютуб каналыгар уонна телеграмҥа страницатыгар барыта сиһилии сурулунна, сырдатылынна.

Ол курдук, 2024 сыл саҕаланыыта, баччаларга Бороҕоҥҥо Н.Н. Тарскай төрөөбүтэ 100 сылыгар аналлаах Саха сирин көҥүл тустууга хамаанданан уонна биирдиилээн бастыыр иһин чемпионата, «Өрөгөй» Спорка бэлэмнэнии киинигэр буолбут «Хаҥалас хапсаҕайа», Саха Республикатын бастакы президенэ Михаил Ефимович Николаев кэриэһигэр көҥүл тустууга Россия студеннарга чемпионата, Алдаҥҥа буолбут Саха сирин спорт кыһыҥҥы көрүҥнэригэр V спартакиадата, бастакы олимпийскай чемпиоммут Роман Михайлович Дмитриев аатынан көҥүл тустууга эдэрдэргэ норуоттар икки ардыларынааҕы турнир, сыл саамай улахан таһымнаах спортивнай тэрээһинэ – «Азия оҕолоро» норуоттар икки ардыларынааҕы VIII спортивнай оонньуулар, улуу тренер Дмитрий Петрович Коркин кэриэһигэр көҥүл тустууга норуоттар икки ардыларынааҕы турнир, Н.Н. Тарскай 100 сылыгар анаммыт тэрээһиннэр, о.д.а. республикатааҕы, Бүтүн Россиятааҕы таһымнаах күрэхтэһиилэр – тустаах үлэһит уонна общественнай корреспонденнар көмөлөрүнэн сырдатылынна.

Бу ыытыллыбыт улахан күрэхтэһиилэр түмүктэрин тустарынан өссө төгүл санааҕытыгар эргитэн аҕалан билиэххитин, ааҕыаххытын баҕарар буоллаххытына, «Дьулурҕан» сыһыарыыларыгар үйэтитиллибит таһаарыылары (суруйуулары, хаартыскалары, видеолары) көрөргүтүгэр, сыаналыыргытыгар ыҥырабыт:

«Дьулурҕан» сайта dzulurgan.ru

«Дьулурҕан» ютуб канала https://www.youtube.com/@Dzulurgan/videos

«Дьулурҕан» телеграмҥа страницата t.me/dzulurgan

Үүммүт 2025 сыл спорка эмиэ элбэх кэрэ түгэннэрдээх буолара күүтүллэр. Биллэн турар, сүрүн күрэхтэһиинэн – Тааттаҕа, спорт төрүт көрүҥнэригэр XXII «Манчаары оонньуулара» буолуохтара.

Спорт сонуннарын үөһүгэр буолуоххутун баҕарар буоллаххытына, «Дьулурҕаны» кытта өрүү бииргэ буолуҥ! “Дьулурҕаны” ааҕыҥ, “Дьулурҕаҥҥа” суруйуҥ, сонуҥҥутун үллэстиҥ. 

Петр ПАВЛОВ, «Дьулурҕан» хаһыат редактора.