Конкурс кыайыылаахтарынан кимнээх буоллулар?

Парижка ыытыллан түмүктэммит сайыҥҥы XXXIII Олимпийскай оонньуу көҥүл тустууга күрэхтэһиитигэр анаан “Дьулурҕан” хаһыат конкурс биллэрбитэ. Онно 31 киһи кытынна. Кинилэргэ барыларыгар махтал!

Конкурсаннар кэккэлэригэр Василий Алексеев, Андрей Александров, Айсен Молуков, Федора Захарова, Михаил Максимов уо.д.а. “Дьулурҕан” араас сылларга конкурстарын кыайыылаахтара бааллара. Онон таайыы тыҥааһыннаах буолара эрдэттэн күүтүллүбүтэ.

Конкурс ыйытыылара маннык этилэр:

-Ыйааһын ахсын финалистары барыларын ааттааҥ (сөптөөх хоруй ахсын 1-дии баал).

-Ыйааһыннарынан кыайыылаахтарынан кимнээх буолуохтарай? (сөптөөх хоруй иһин 2-лии баал).

-Тустууга хамаанданан үс бастакы миэстэни ханнык дойдулар ылыахтарай? (1-дии баал).

Онуоха бүтэһиктээх ааҕыы кэнниттэн кыайыылаахтарынан буоллулар: Анастасия Алексеева, Герман, Николай Иванов, Егор Бурцев. Кинилэр бары 14-түү очкону хомуйдулар. Эҕэрдэлиибит!

Конкурс түмүгүнэн кыайыылаахтарга анал бириистэр туттарыллыахтара.

“Дьулурҕан”.