Сонуннар

Н.Н. Тарскай төрөөбүтэ 100 сылыгар аналлаах тэрээһиннэр саҕаланнылар

Дьокуускай. Саха Республикатын Национальнай библиотекатын эппиэттээх үлэһитэ Туйаара Николаевна Готовцева тэрийиитинэн бүгүн, биллиилээх судаарыстыбаннай деятель, Саха сиригэр физическэй култуура уонна спорт хамсааһынын тэрийбит Николай Николаевич Тарскай төрөөбүтэ 100 сылыгар анаан көрсүһүү буолла.

Манна, Москваттан, үбүлүөйдээх тэрээһиҥҥэ анаан кэлбит Н.Н. Тарскай төрөппүт уола Александр Николаевич Тарскай, СР култууратын туйгуна Наталья Иннокентьевна Мордовская, Ем. Ярославскай аатынан Саха музейын история салаатын сэбиэдиссэйэ Семен Юрьевич Окоемов, аймахтара уонна бу строкалар ааптардара быыстапка туруоран кэпсээтилэр.

Ону “Саха” НКИХ үлэһиттэрэ уонна спортивнай суруналыыс Василий Посельскай видеоҕа уһулан, бу күннэргэ, үбүлүөйүнэн сибээстээн “күөх экраҥҥа” таһаарыахтара. Онтон Н.Н. Тарскайга аналлаах быыстапка бу күннэргэ СР Национальнай библиотекатыгар туруоҕа.

Дьэ, ити курдук, Саха сиригэр спорт сайдыытыгар уһулуччу өҥөлөөх Н.Н. Тарскай 100 сылыгар аналлаах үбүлүөйдээх тэрээһиннэр саҕаланнылар. Санатан эттэххэ, өйүүн – ыам ыйын 8 күнүгэр Николай Николаевич Тарскай төрөөбүт күнэ республика киин куоратыгар уонна төрөөбүт улууһугар Уус Алдаҥҥа киэҥник бэлиэтэниэҕэ.

Петр ПАВЛОВ.

Ааптар уонна Национальнай библиотека Медиа киинин хаартыскаҕа түһэриилэрэ.

Добавить комментарий

Ваш адрес email не будет опубликован. Обязательные поля помечены *

196910
Бүгүн : 283