Сонуннар

Василий Егоров бастакы утарсааччыта – Аттила Бернарт

Сербия киин куоратыгар Белградка Европа боксаҕа чемпионата ыытыллар. Бу чемпионакка, саха боксаҕа кыһатын иитиллээччитэ – Россия 5, Европа 2 төгүллээх чемпиона, аан дойду чемпионатын үрүҥ көмүс призера, спорт үтүөлээх маастара Василий Егоров кыттар.

Кини киирсэр 51 кг ыйааһыныгар 11 кыттааччы баар. Сэрэбиэй быһыытынан кинилэр икки бөлөххө арахсан күрэхтэһэллэр. Онуоха рейтинг быһыытынан армянин Рудольф Гарбоян үөһэ, азербайджанец Масуд Юсуфзада аллараа бөлөххө аттарыллан туруорулуннулар. Биһиги Василийбыт үөһэ, Гарбоян бөлөҕөр баар.

Кини бастакы эргииргэ сынньанан баран, муус устар 24 күнүгэр финал чиэппэригэр венгр Аттила Бернары кытта киирсиэҕэ. Венгр опыттаах боксер, киирсибитэ син ыраатта, кэккэ ситиһиилэрдээх, сааһа 24-дэ. Манна ким кыайбыт финал аҥарыгар тахсыаҕа. Онтон Гарбоян финал чиэппэригэр, Румыния уонна Испания боксердарын киирсиилэрин кыайыылааҕын кытта көрсүөҕэ.

Ылан көрдөххө, биһиги Василийбыт саамай саастаахтара уонна опыттаахтара. Ол аата, атын хамаандаларга көлүөнэлэр солбуһуулара тахса турар. Онтон биһиги В.Егоровпыт улахан рингэҕэ 2015 сылтан ситиһиилээхтик киирсэр. Онон эдэр эрчимнээх, дохсун утарсааччыларыгар кини баай үөрүйэҕин, мындыр толкуйун көрдөрүөхтээх.

Бу ыйааһыҥҥа бастакы киирсиилэр муус устар 19 күнүгэр буолаллар. Биһиги dzulurgan.ru сайтпытын кэтээн көрө сылдьыҥ.

Вася, кытаат!

«Дьулур5ан».

Добавить комментарий

Ваш адрес email не будет опубликован. Обязательные поля помечены *

196897
Бүгүн : 270