«Дьулурҕан» ыйытыга: Ханнык хамаанда таҥаһа кэрэний?

Алдаҥҥа Саха сирин спорт кыһыҥҥы көрүҥнэригэр V спартакиадата үгэннээн ыытылла турар. Хамаандалар бары, этэргэ дылы, ох курдук оҥостон, кустук курдук куоһанан кэлбиттэр.

Ол курдук, спартакиада ирдэбилин быһыытынан бэйэлэригэр сүүмэрдиир күрэхтэһиилэри тэрийбиттэр, араас соҕуруунан-хотунан үөрэтэр-эрчийэр түмсүүлэргэ сылдьыбыттар уонна киһи үөрэрэ диэн, бу тэрээһиҥҥэ анаан спортивнай форма сакаастаан оҥотторбуттар.

Бэҕэһээ, спартакиаданы үөрүүлээхтик аһыыга араас дьэрэкээн, кэрэ өҥнөөх формалаах хамаандалар сэлэлии хаамсан киирбиттэрэ – киһи санаатын көтөхпүтэ, үөрүүлээх бэлиэ түгэни киэргэппитэ…

Бииртэн-биир үчүгэй формалаах хамаандалар бааллар. Мин санаабар, аммалар, дьокуускайдар, намнар, уус алданнар оҥотторбут спортивнай формалара ордук кэрэтийэн көстөллөр.

Өскөтүн, уопсай түмүккэ бастыҥ формалаах хамаанда ханныгый диэн ыйытыы баара эбитэ буоллар, эһиги ханнык улуус, эбэтэр куорат спортсменнарын таҥастарын талыах этигитий? Санааларгытын Ыйытык анныгар Комментарии суруйаргытыгар ыҥырабыт.

«Дьулурҕан».