Сонуннар

Ыйытык хоруйдара: Сардаана Трофимова, Айаал Лазарев, Баишевтар…

Сылбыт түмүктэнэн эрэр. Онон олохсуйбут үгэһинэн, ааһан эрэр сыл түмүктэрин таһаарыы, инникини түстээһин, бастыҥнары талыы үгэннээн турар кэмэ. Манан туһаайан биһиги спорду таптааччылартан үс ыйытыкка хоруйдуулларыгар көрдөспүппүт.

Ыйытыктар маннык этилэр:

-2023 сыл спорка туох өйдөбүлү хаалларда?

-Кэлэр сылтан тугу күүтэҕин?

-Бастыҥ спортсменынан кими ааттыаҥ этэй?

Онуоха киирбит хоруйдары кылгастык ырыттахха, дьон үксэ марафонец Сардаана Трофимова, тустуук Айаал Лазарев Азия оонньууларыгар ситиһиилэрин ордук өйдөөн хаалбыттар. Кэлэр сылга Олимпиадаҕа саха спортсмена мэтээлгэ тиксиэҕин, “Азия оҕолоро” норуоттар икки ардыларынааҕы VIII спортивнай оонньуулар ситиһиилээхтик ыытыллалларыгар баҕаралларын биллэрэллэр. Онтон бастыҥ спортсменынан үксүлэрэ Сардаана Трофимованы, Айаал Лазаревы, мас-рестлиҥҥэ аан дойду чемпионнара Татьяна, Егор уонна Анатолий Баишевтары ааттыыллар…

Чэ, ону бэйэҕит ааҕан билсиҥ:

Сергей Колесов:

-2023 сыл спорка өйдөнөн хаалбыта Киргизия сүүмэрдэммит командатыттан икки саха Азиатскай оонньууларга кыттан – иккиэн боруонса мэтээл ылбыттара буолар.

-Кэлэр сылтан Парижка ыытыллар Олимпийскай оонньуулартан саха мэтээл ыларын баҕарабын, күүтэбин.

-Сыл бастыҥ спортсменынан Айаал Лазаревы ааттыам этэ.

Любовь Попова:

-Элбэх ситиһии баар эрээри, 2023 сыл “Бастыҥ спортсменынан” алта гроссмейтеры кыайбыт, саха спордун историятыгар буолбатах түгэн, оскуола оҕото Сандаара Апросимова буолуон сөп. Сандаара кыра сылдьан Алтан нэһилиэкпит спортсменын республика икки төгүллээх 100 харахтаах дуобатыгар Чемпионун, 1966 с. уонна 1967 сылларга Билюкин Егор Дмитриевич аатын үйэтитэр күрэхтэһиибитигэр кэлэн кыттан оонньоон турардаах. Туох барыта кыраттан саҕыллан кынат үүннэрэн ситиһиигэ тиийэр. Мэҥэ Хаҥалас дуобатчыттара ол ситиһиини билигин куоһара иликтэр.  Эрэлбит Сандаараҕа уонна эдэр спортсменнарга. Кэлэр сылга оҕолорбут “Азия оҕолоро” күрэхтэһиигэ ситиһиилээхтик кыттыахтара диэн эрэнэбит.

Станислав Афанасьев:

1 – Айааллаах, Сардаана ситиһиилэрэ киһини үөрдэр.

2 – Легионер спортсменнарбыт Олимп мэтээлин аҕалаллара буоллар.

3 – Айаал Лазарев. Тоҕо диэ? Кини Аан дойдуга кыттыыта уонна Азия оонньуутун мэтээлин сахаттан бастакы ылыыта.

Панаат:

-2023 сыл спорка туох өйдөбүлү хаалларда? 2 сыл кэннэ Коркин турнира ыытыллыбыта.

-Кэлэр сылтан тугу күүтэҕин? Арыйаан Тютрин Олимпиадаҕа баран боруонса мэтээли аҕалыа.

-Бастыҥ спортсменынан кими ааттыаҥ этэй? Константин Жирков (масрестлинг).

Федора:

1). Коркин турнира.

2). Арыйаан Тютрин Олипиадаҕа ситиһиитин.

3). Анатолий Баишев дьиэ кэргэттэрин кыайыылара.

Ангелина:

-Анатолий Баишев дьиэ кэргэттэрин чаҕылхай кыайыылара.

-Арыйаан Тютрин Олимпиадаҕа ситиһиилээх кыттыытын.

-Дуобатчыт Сандаара Апросимова.

Ангелина Посельская:

-2023 сыл спорка туох өйдөбүлү хаалларда? Чемпионат Мира 23. Баишевтар дьиэ кэргэттэрин кыайыылара. Бронза Азиатских игр Сардааны Трофимовой под флагом Кыргызстана. Чемпионат мира среди ветеранов Александр Румин. Уонна Вячеслав Дьяконов Дыгын оонньууларын кыайыылааҕа.

-Кэлэр сылтан тугу күүтэҕин? Международнай уонна да атын турнирдарга элбэх мэтээли.

-Бастыҥ спортсменынан кими ааттыаҥ этэй? Вячеслав Дьяконов. Сардаана Трофимова. Баишевтар дьиэ кэргэн.

Иннокентий Аммосов:

-Марафонец Сардаана Трофимова.

Афанасий Портнягин:

Калачев Дьулустаан бастыҥ хапсаҕайдьыт, 2023 сылга.

Юлиан Мордовской:

Анатолий Баишев аныгы олох биир Улуу киһитэ. Эдэр ыччаты иитиигэ холобур буолар.

Петр Толстоухов:

Сыл бастыҥ спортсменката, Сардаана Трофимова чэпчэки атлетика.

Айталина Колодезникова:

1). Коркин турнира.

2). Олимпиаданы, Тютрины.

3). Дьулустаан Ноговицыны – Таас Боотуру, аан дойду икки төгүллээх чемпионун.

Александр Скрыбыкин:

-Республика бюджетыттан туох да ночооту оҥорбокко бэйэлэрин кыахтарынан дьиэ кэргэнинэн үһүө буолан Аан дойду чемпионнара буолбут Баишевтар буолаллара сиэрдээх быһаарыы буолуо этэ. Хаһан эмэ итинник ситиһии хатыланыа дуо диэн ыйытыы үөскүүр.

Дмитрий Готовцев:

-Айаал Лазарев сыл бастыҥ спортсмена. Супертяж.

-Николай Тарскай 100 сааһын туолар сылыгар олимпийскай мэтээл кэлиэ диэн күүтэбин. Виктор Рассадин (74 кг) аҕалыан сөп.

Николай Боякинов:

-Бу сыл өссө бүтэ илик да буоллар, хапсаҕай, мас-рестлинг Кубоктара о.д.а күрэхтэр хааллылар. Аммаҕа ыытыллыбыт доруобуйаларынан хааччахтаах дьон күрэҕэ, Д.П. Коркин 95 сылын турнира, Дыгын оонньуулара, Тарскай чемпионата, Азия оонньууларын призердара Сардана Трофимова, Айаал Лазарев уонна Алдаҥҥа Анна Богалий күрэхтэһиитэ өйбөр хаалла.

2024 с. Олимпиадаҕа Сардаана Трофимова кыттарын күүтэбин, “Дети Азии”, Дыгын уонна Саха Арена.

Бу сыл бастыҥ спортсменынан Сардаана Трофимованы ааттыыбын. Айаал эрдэ Азияны кыайа сылдьыбыта…

Раиса Попова:

-Бороҕоҥҥо Спорт дыбарыаһа үлэҕэ киириитэ.

-“Азия оҕолоро” оонньууга Саха сирин эдэр спортсменнарыгар кыайыыны.

-Эрхан Бысыин – альпинизм скайраннинг көрүҥэр Россия Кубогын иккис призера.

Андрей Филиппов – Хомпоруун:

-Бастакынан, бэйэм оскуолам выпускниктара Сардаана Трофимова, Айаал Лазарев Азиадаттан иккиэн боруонса мэтээли аҕаллылар.

Иккиһинэн, быйыл, оскуолабыт 25 сыллаах үбүлүөйдээх сылын көрсө (2024 сылга буолар), спортивнай оскуолабыт иитиллээччилэрэ Россия первенствотыттан Сүүһүс кыһыл мэтээли аҕаллылар! Үсүһүнэн, Россия спордун аһара түһэн хаарчахтааһын,

-Кэлэр сылтан бастатан, «Азия оҕолоро» спортивнай Оонньуу үчүгэй тэрээһиннээхтик, ситиһиилээхтик ааһарыгар, ол бу хаарчахтар мэһэй буолбаттарыгар, кэлиэхтээх судаарыстабылар кэлэн кытталларыгар, бэйэм оскуолам оҕолоро ситиһиилээхктик кытталларыгар.

Иккиһинэн, араас хаарчахтар туоратыллан, Россия бэйэтэ судаарыстыба быһыытынан Олимпиадаҕа кыттарыгар баҕарабын.

-Бастыҥ спортсменынан Сардаана Трофимова, атын дойдуттан кыттар диэн туоратыллар буоллаҕына, Баишевтар дьиэ кэргэн, үһүөннэрин биир спортсмен курдук көрөн.

Василий Куприянов:

1/ Баишевтар дьиэ кэргэттэрин ситиһиилэрэ.

2/ Саха сирин хамаандата “Азия оҕолорун” күрэхтэһиитигэр бастыан наада.

3/ Сандаара Апросимова. Дуобат.

Михаил Максимов:

-Сардаана Трофимова, Айаал Лазарев Азия олимпидатыгар призердаабыттара. Ол бэйэтэ 4 сылга биирдэ ыытыллар Олимпиада.

-Кэлэр сыл 2024 сылга “Дети Азии” Россия регионнара бары кэлээри олороллор. Сүрдээх тыҥааһыннаах буолуо. Аны Олимпиада сыла, Париж, Европа чемпионата футболга. Мин санаабар, Англия, Германия, Франция хамаандалартан биирдэстэрэ бастыаҕа.

Александр Ушницкай:
-Сардаана Трофимова.
-Олимпиада Париж.
-ГТО кыттыы уһун тохтобул кэннэ, кыттааччы элбээбитэ үөрдэр, үчүгэй түмүк, үлэлиир тэрилтэбэр ГТО туттарбыттарга коллективной договорга анал премия уонна эбии отпуск күнэ киллэрии, эһиил өссө элбэх киһи кыттыа диэн эрэл.

Максим Афанасьев:

-Ааспыт сыл Азиадаҕа Сардаана Трофимова марафоҥҥа уонна Айаал Лазарев көҥүл тустууга бириистээх миэстэҕэ тиксибиттэрэ үөрүүнү аҕалбыта.

-2024 с. саха спортсменнара Олимпиадаҕа кыттан, мэтээлгэ тиксиэхтэрин баҕарабын.

-2023 сыл бастыҥ спортсмена Сардаана Трофимова диибин.

Виталий Жирков:

-Баишевтар дьиэ кэргэннэригэр мин куоластыыбын, сыл бастыҥ спортсменнарын аатын ылалларыгар!!! Элбэх оҕолоох спортивнай дьиэ кэргэн буоларым быһыытынан.

Любовь Васильевна:

-Республика бастыҥ спортсменынан Сардаана Трофимованы ааттыыбын, Азия оонньууларын марафоҥҥа боруонса мэтээлин хаһаайкатын.

Ыйытыкка хоруйдар билигин даҕаны киирэ тураллар…

“Дьулурҕан”.

Добавить комментарий

Ваш адрес email не будет опубликован. Обязательные поля помечены *

199039
Бүгүн : 330