Студеннарбыт Владивостокка тустуохтара

Олунньу 10-11 күннэригэр Владивосток куоракка Спортивнай тустууга студеннар национальнай лигаларын иһинэн Бүтүн Россиятааҕы турнир (2023-2024 сс. үһүс рейтиннээх турнир) ыытыллар.

Күрэхтэһии балаһыанньа быһыытынан, көҥүл уонна гректии-римнии тустууларга буолар.

Турнирга М.К. Аммосов аатынан Хотугулуу Илиҥҥи федеральнай университеттан көҥүл тустууга 11 бөҕөс кыттыаҕа: 57 кг – Юрий Анисимов, Александр Егоров, 61 кг – Владимир Пинигин, Дмитрий Илларионов, 65 кг – Алексей Пахомов, Петр Гоголев, 70 кг – Вячеслав Семенов, 74 кг – Албан Аввакумов, Николай Сивцев, 79 кг – Алексей Данилов, 92 кг – Никита Софронов.

Бу күрэхтэһии түмүгүнэн бастыҥнар – студеннар Бүтүн Россиятааҕы 9-с сайыҥҥы спортивнай оонньууларыгар сүүмэрдэниэхтэрэ. Уолаттарбытыгар ситиһиилээх кыттыыны баҕарыаҕыҥ.

«Дьулурҕан».