Сонуннар

Икки кыайыы, икки хотторуу…

Иран, Мазандаран провинцията. Кулууптар икки ардыларыгар көҥүл тустууга аан дойдутааҕы күрэхтэһии, олунньу 24-25 күннэрэ. Эрдэ иһитиннэрбиппит курдук, бу күрэхтэһиигэ 9 хамаанда икки бөлөххө арахсан кыайыылаахтары быһаарыста.

Күрэхтэһии кубоктыҥы, ол аата, хамаанда 10 киһитэ – уон ыйааһыҥҥа сирэй көрсүүтүн быһыытынан ыытыллар. Маннык күрэхтэһии наһаа интэриэһинэй, бэйэтэ туспа тыыннаах, ураты күүрээннээх буолааччы. Куһаҕана диэн, кубоктыҥы күрэхтэһии Россияҕа уонна Саха сиригэр суоҕун тэҥэ. Онтон омук дойдуларыгар (Ираҥҥа, Германияҕа, Турцияҕа, Индияҕа, АХШ-ка о.д.а.) хамаанданан сирэй көрсүү күрэхтэһиилэрэ наһаа сайдыылаахтар.

Быйыл, маннык улахан таһымнаах күрэхтэһиини тэрийээччилэр Саха сирин хамаандатын ыҥыран кытыннардылар. Биһиги хамаандабыт 10 оннугар – 7 киһинэн кытынна, састаабы толорор инниттэн үс киһини ираннар «уларыстылар». Эрдэ суруйбуппут курдук, Россия чиэһин көмүскээбит биһиги хамаандабыт «А» бөлөххө бастаан Индияҕа 3:7 хотторон баран, салгыы күрэхтэһиигэ Арменияны 6:4, Грузияны 8:2 ахсаанынан кыайталаата уонна бүтэһик киирсиигэ Казахстаҥҥа 3:7 хоттордо. Онон бөлөххө баар 5 хамаандаттан – Индия уонна Казахстан кэнниттэн үһүс буолла.

Финалга бүгүн «Шахр Банк» (Иран) – Индия хамаандалара бастакы миэстэ иһин көрсөллөр. Онтон үһүс бириистээх миэстэ иһин «Шазанд» (Иран) – Казахстан хамаандалара киирсэллэр. Бэһис миэстэ иһин киирсии суох.

Россия – Грузия 8:2

57 кг Алексей Копылов – Абольфазл Садеги 11:0

61 кг Петр Константинов – Мохаммад Сирадж 9:3

65 кг Амир Ханиан – Михаил Бердзнишвили 0:2

70 кг Олег Фомин – Ника Будлашвили +/-

74 кг Станислав Свинобоев – Имда Пенцолая 11:1

79 кг Аршавир Эсмаили – Шмаги Тедава 11:0

86 кг Амир Хосрави – Георги Чечарадзе 3:0

92 кг Максим Толмачев – Зор Бардзе 4:5

97 кг Ньургун Сергин – Али Мансури 10:0

125 кг Эдуард Максимов – Али Мехри +1:1.

Казахстан – Россия 7:3

57 кг Долат Темирженов – Алексей Копылов 4:2

61 кг Куат Амиртаев – Петр Константинов 5:2

65 кг Нурахмет – Амир Ханиан 10:0

70 кг Дуйсенкул – Олег Фомин 2:2+

74 кг Джакупов – Станислав Свинобоев 3:1

79 кг Ергеш – Аршавир Эсмаили +/- туше

86 кг Закиров – Хосрави +/- туше

92 кг Кенжеев – Максим Толмачев 1:3

97 кг Бахытханов – Ньургун Сергин 1:7

125 кг Азов – Эдуард Максимов +2:2.

Түмүктээн эттэххэ, бөҕөстөрбүт 4-түү киирсиини ыыппыттарыттан, ордук үчүгэй көрдөрүүнү Олег Фомин (70 кг) ситистэ. Кини көрсүбүт утарсааччыларын барыларын кыайталаата. Алексей Копылов уонна Петр Константинов үстүү кыайыылаахтар, биирдии хотторуулаахтар. Дьиҥэ, үчүгэйдик бэлэмнэнэн, талыллан, толору састаабынан барбыттара эбитэ буоллар, быдан үчүгэйдик кытталлара хаалла. Олохтоохтор «уларсыбыт» дьоно түһэн биэрдилэр.

Чэ, туох буолуой, уолаттарбыт маннык күрэхтэһиигэ кыттан, үчүгэй үөрүйэҕи бардахтара, инники тустууларыгар бу туһалаах эрэ буоларыгар баҕарыаҕыҥ.

«Дьулурҕан».

Добавить комментарий

Ваш адрес email не будет опубликован. Обязательные поля помечены *

199546
Бүгүн : 462