Сонуннар

“Чурапчы – Таатта” табаарыстыы көрсүһүүгэ…

Чурапчы нэһилиэгэр, Таатта – Чурапчы табаарыстыы көрсүһүүгэ бэрт ситиһиилээхтик кытынныбыт. Тааттаттан 12 буолан кытынныбыт, ол иһигэр Харбалаахтан үһүөбүт: Яковлева Ньургуянакэрэ аҥардарга, Саша Оконешников – уолаттарга уонна мин – эр дьоҥҥо.

Түмүгэр команднайга үһүөн Таатта чиэһин уонна биир Ытык Күөл кыыһа буолан көмүскээтибит, сыралаах киирсии кэннэ бэрт кыранан дьиэлээхтэргэ хоттордубут. Манна даҕатан эттэххэ, команднайга бары бастакы холонуубут, олох туспа тыыннаах күрэс эбитин эппитинэн-хааммытынан биллибит.

Күрэс түмүгэ үс көрүҥ түмүгүнэн таҕыста:

Кыргыттарга Борисова Дайаана, Ытык Күөл кыыһа Чемпион!

Уолаттарга Саша бэрт кыранан хаалан, республика чемпиона Айтал Баишев кэнниттэн иккис миэстэни ылла!

Кэрэ аҥардарга Ньургуяна Яковлева үрүҥ көмүс! Республика чемпионката, Россия быйылгы призерун Эльвира Ефимова кэнниттэн.

Эр дьоҥҥо чурапчылар күннээтилэр. Мин алтыс, быраатым Иван тохсус буоллубут.

Барҕа махталбын тиэрдэбин, дьарыктыыр кыыһым Ньургуяна сүрэҕин аҥара Виталийга, кинилэр массыыналарынан баран, кыттан кэлбиппитигэр.

Бу табаарыстыы көрсүһүү аныгыскы өрөбүллэргэ Майаҕа буолуохтаах республикатааҕы күрэскэ бэлэмнэнии чэрчитинэн буолла. Күрэхтэһии тыынын биллилэр оҕолорум, бэлэмнэрэ үчүгэй, диэн түмүккэ кэллим.

Ньургун ТИСТЯХОВ.

Таатта, Харбалаах.

Добавить комментарий

Ваш адрес email не будет опубликован. Обязательные поля помечены *

199555
Бүгүн : 471