Боксёрдарбыт биэс боруонсаланнылар

«Азия оҕолоро» норуоттар икки ардыларынааҕы VIII спортивнай оонньуу боксаҕа күрэхтэһиитин бастакы финалларын күнэ үүннэ. Күрэхтэһии «Дохсун» спорт комплекска икки рингэнэн ыытылла турар.

Бастакы финаллар кыттыылаахтарын көрдөххө, ордук Узбекистан эдэр боксёрдара ситиһиилээхтик кытта сылдьаллар. Ол курдук, аҕыс ыйааһынтан кинилэр – сэттэтигэр кытталлар. Саха сириттэн тренер Мохаммед Кривошапкин иитиллээччитэ Милена Моркан 46 киилэҕэ кыһыл көмүс мэтээл иһин киирсиэҕэ.

Манна сыһыары тутан эттэххэ, биһиэннэриттэн Саяна Горохова (46 кг), Алина Аммосова (54 кг), Виктор Захаров (46 кг), Артур Севергин (52 кг), Данил Сафонов (70 кг) үһүс бириистээх миэстэлэри ыллылар.

Бастакы финаллар кыттыылаахтара

Кыргыттарга:

46 кг Милена Моркан (Саха сирэ) – Мафтуна Мусурмонова (Узбекистан)

54 кг Алиса Капустина (УФО) – Фарзуна Рузиева (Узбекистан)

Уолаттарга:

46 кг Хикматулла Собиров (Узбекистан) – Арсений Лохнев (УФО)

50 кг Бекарис Адылбай (Казахстан) – Мухаммадрезо Укимов (Узбекистан)

54 кг Иван Хитроков (ДВО) – Иброхим Шохиржонов (Узбекистан)

60 кг Александр Тарасенко (ДВО) – Саидхужа Садуллахужаев (Узбекистан)

66 кг Арваз Ахмади (Кыргызстан) – Егор Губин (СФО)

75 кг Асилбек Абдусамадов (Узбекистан) – Тимур Тайбеков (Казахстан).

Санатан эттэххэ, финаллар бүгүн күнүс 15:00 чаастан саҕаланаллар. Атын ыйааһыннарга кыайыылаахтары быһаарар киирсиилэр сарсын буолаллар.

«Дьулурҕан».