Тарскай-2024: Дьэ, ким сылыктааһына кыайар эбитий?

Республика көҥүл тустууга чемпионатыгар сыһыаннаан биллэрбит куонкуруспутугар барыта 38 киһи кыттан, бэйэтин билгэлээһинин ыытта.

Куонкуруска кимнээх кытыннылар? Семен Афанасьев, Василий Алексеев, Анастасия Алексеева, Айаар, Константин Стручков, Альберт Иванов, Айталина Иванова, Кондаков Тимирхан, Молуков Айсен, Татьяна Степанова, Сэргэй Лукин, Александров Андрей, Лариса, Валериан Петров, Влад Андреев, Серафим Терентьев, Татьяна Степанова, Афанасьев Максим, Петров Валериан, Кирилл Киренскэй, Васильев Павел, Наталия Александрова, Василий, Татьяна Хомподоева, Алексей Бережнев, Степан, Иван Рожин, stassata, Байбал, Евгений Дьячковскай, Николай Попов, Гаврильев Валерий, Леонид Тимофеев, Семен, Афанасьев Станислав, Капитонов Егор, Павел Степанов. Дьэ, ким сылыктааһына кыайар эбитий?

Куонкуруска кыттыбыттарга барыларыгар барҕа махтал!

Кылгастык куонкуруска киирбит ыйытыылары эттэххэ, дьон үксэ кэриэтэ Никита Хабаров (125 кг), Константин Капрынов (74 кг), Константин Власов (86 кг), Станислав Свинобоев (70 кг), Софрон Софронов (92 кг), Дьулусхан Тотонов (65 кг), Максим Толмачев (97 кг) чемпионнуохтара диэбиттэр. Манна даҕатан эттэххэ, бөҕөстөр саамай элбэхтик ахтыллыбыттарынан сурулунна. Онтон хамаанданан түмүккэ ити 38 киһи бары Чурапчы, эбэтэр Мэҥэ Хаҥалас кыайыа диэн сылыктаабыт.

Кыайыылаах киһи Саха Республикатын физическэй култуураҕа уонна спорка министиэристибэтэ туруорбут, Саха сиригэр физкултуура хамсааһына саҕаламмыта 100 сылыгар ананан тахсыбыт «История физической культуры и спорта Якутии» диэн суруналыыс Родион Кривогорницын бэлэмнээн таһаарбыт саҥа кинигэтинэн наҕараадаланыа.

Куонкурус түмүгэ тохсунньу 7 күнүгэр тахсыаҕа. Биһиги сайтпытын кэтии сылдьыҥ. Онтон кыайыылаахха бирииһин туттарыы тохсунньу 9 күнүгэр былааннанар.

PS: чемпионат кэккэ хапсыһыыларын Дьулурҕан ютуб каналыгар көрүөххүтүн сөп.

“Дьулурҕан”.