Бэрдьигэстээх көбүөрүгэр

Бэрдьигэстээххэ Горнай улууһун тустууга федерациятын бирииһигэр уонна Саха сиригэр физкультурнай хамсааһын 100 сылыгар аналлаах 2007-2012 сс. төрөөбүт уолаттарга республикатааҕы күрэхтэһии тэрилиннэ. Манна Бүлүү, Үөһээ Бүлүү, Ньурба, Хаҥалас уонна Дьокуускай куораттан 3, 5 №-дээх спортивнай оскуолалалар, хатастар итиэннэ горнайдар бэйэлэрэ, барыта 128 эдэр бөҕөс күөн көрүстэ.

В.П. Керемясов аатынан Дьокуускай куорат 3 №-дээх спортивнай оскуолатын тренерэ, Саха Республикатын үтүөлээх тренерэ Иннокентий Семенович Кочкин: «Биһиги оскуолабыт бастыҥ уолаттара бу иннинэ аҕай Нальчикка, турнирга кыттыбыттара. Онно Эрхан Куличкин бастаабыта, Уйгун Бурцев иккис буолбута, ону тэҥэ икки уол үһүстээбитэ. Кинилэри тренер Н.Г. Яковлев илдьэ сылдьыбыта. Онтон В.Кривошапкин уонча оҕону Казахстаҥҥа илдьэ сырытта. Онно 1 кыһыл көмүс, 1 үрүҥ көмүс уонна 2 боруонса мэтээли ыллылар. Ону таһынан сүүрбэччэ оҕобут бу күннэргэ Владивостокка тренердэр П.П. Черкашин, С.С. Соркомов, М.М. Каженкин салалталарынан туста сылдьаллар», – диэн иһитиннэрдэ.

Дьэ онон Бэрдьигэстээх көбүөрүгэр бэйэлэрин бөлөхтөрүгэр бастаатылар:

2011-2012 сс. төрөөбүттэргэ: 26 кг – Оскар Громов (Хаҥалас), 28 кг – Диас Сергеев (ДЮСШ-5), 32 кг – Егор Семенов (Үөһээ Бүлүү), 35 кг – Саша Слепцов (ДЮСШ-5), 38 кг – Мирон Протопопов (Бүлүү), 48 кг – Егор Григорьев (Горнай), 52 кг – Ильдар Сараев (Хатас).

2009-2010 сс. төрөөбүттэргэ: 41 кг – Николай Слепцов (Горнай), 44 кг – Руслан Сергин (Бүлүү), 48 кг – Сергей Ефремов (Горнай), 52 кг – Гриша Яковлев (Үөһээ Бүлүү), 57 кг – Вадим Константинов, 62 кг – Эйнар Максимов, 68 кг – Стас Мамаев (үһүөн – горнайдар).

2007-2008 сс. төрөөбүттэргэ: 45 кг – Саша Жданов (ОЭУ), 48 кг – Арсен Аммосов (ДЮСШ-3), 52 кг – Айсен Постников (Горнай), 55 кг – Альмар Слепцов (Хатас), 62 кг – Эрэл Диодоров (ДЮСШ-5).

«Дьулурҕан».