Бэрди бэрт баһыйда

Томороон тымныылар бүтээттэрин, хоту дойдуга сааскы ылааҥы күн тыгыыта, Өлөөн эбэҥки национальнай оройуонун Харыйалаах нэһилиэгэр күүтүүлээх көҥүл тустууга уонна хапсаҕайга оҕолорго, улахан дьоҥҥо, бэтэрээннэргэ күрэхтэһии үрдүк таһымҥа ыытылынна.  

Бу күрэхтэһии көҥүл тустууга ССРС спордун маастара Петр Петрович Соломонов 65 сааһын туолуутугар ананна. Олохтоох кулууп иһэ тобус-толору көрөөччүнэн туолан, хас биирдии хапсыһыы ыһыылаах-хаһыылаах буолла, ордук хото дьахтар аймах ис сүрэхтэриттэн чугас дьонноругар ыалдьан да биэрдилэр. Күрэхтэһии үөрүүлээх аһыллыытыгар Петр Петровичка оройуон, нэһилиэк дьаһалтата эҕэрдэ тыллары, наҕараадалары, бэлэхтэри туттардылар, бэйэтин кэмигэр оройуонун аатын араас таһымнаах күрэхтэргэ дорҕоонноохтук ааттаппыта. Ону сыаналаан, төрөөбүт нэһилиэгэ 20-с сылын кини аатыгар тэрийэр. Өлөөн оройуонун баһылыгын солбуйааччы Туйаара Егоровна Павлова, оҕо спорт оскуолатын  дириэктэрэ, күрэхтэһии сүрүн судьуйата Леонид Романович Николаев эҕэрдэ тылларыгар кыттааччыларга ситиһиилэри, спорду өрө туталларыгар, ким күүстээх, сылбырҕа кыайарыгар баҕардылар.

Хара маҥнайгыттан сытыы киирсиилэр буолуталаатылар, ким да хотторуон баҕарбат, онон араас тустуу, хапсаҕай албастарын туһанан, кыраһыабай киирсиилэр буоллулар. Ордук оҕолор тустуулара ыалдьааччылары сэргэхситтэ. Хас да сүүһүнэн килэмиэтир ыраах сытар Ээйик, Дьэлиҥдэ нэһилиэгиттэн кэлбит уолаттар туох баалларынан кииристилэр, кыайыы өрөгөйүн да, хотторуу хомолтотун да биллилэр.

Онон, түмүккэ уолаттарга көҥүл тустууга:

26 кг Дьяконов Илья 1 м, Семенов Лаврентий 2 м, Дьяконов Аркадий 3 м.,

32 кг Васильев Федя 1 м, Андреев Хоһуун 2 м, Антипин Артур 3 м.,

36 кг Ноговицын Саян 1 м, Николаев Матвей 2 м, Корякин Ян 3 м.

Хапсаҕайга уолаттар:

45 кг Игнатьев Артем 1 м, Николаев Артем 2 м, Боягир Арсен 3 м.,

50 кг Винокуров Руслан 1 м,Лавицкай Ваня 2 м, Иванов Петя 3 м.,

55 кг Алексеев Алексей 1 м, Матвеев Кеша 2 м,Семенов Родион 3 м.,

62 кг Сабардахов Дима 1 м, Романов Дьулуур 2 м, Левин Сандал 3 м.,

70 кг Васильев Игорь 1 м, Васильев Юлиан 2 м, Макаров Сулус 3 м.,

70 үөһэ кг Аммосов Коля 1 м, Семенов Толя 2 м.

Эр дьоҥҥо:

57 кг Федоров Альберт 1 м, Матвеев Иннокентий 2 м, Семенов Кэскил 3 м.,

65 кг Христофоров Христофор 1 м, Константинов Михаил 2 м, Павлов Савва 3 м.,

75 кг Еремеев Эдуард 1 м, Павлов Михаил 2 м, Спиридонов Сергей 3 м.,

85 кг Листиков Эдуард 1 м, Николаев Владлен 2 м, Семенов Владислав 3 м.

95 үөһэ кг Михайлов Алексей 1 м, Горохов Айаал 2 м.

Бэтэрээннэргэ: Семенов Платон 1 м, Семенов Владислав 2 м, Тимофеев Владимир 3 м.

Муҥутуур кыайыылааҕы быһаарарга олус тыҥааһыннаахтык ыытылынна, ыһыы-хаһыы ортотугар кыайыы үөрүүтүн уолаттарга Кеша Матвеев, оттон эр дьоҥҥо Владлен Николаев биллилэр.

Күрэхтэһиини бэркэ табыллан кэпсээн сырдатта, спорт бэтэрээнэ Николай Семенов.

Онон хоту дойду хоһуун уолаттара эрбии биитинии эрийсэн, күүстээхтэрин, кыахтаахтарын, сылбырҕаларын көрдөрдүлэр, оттон кэлэр кэнчээрилэртэн көҥүл тустуу, хапсаҕай маастардара баар буолуохтара диэн эрэниэҕиҥ.

Варвара НИКОЛАЕВА, Өлөөн оройуонун үөрэҕин салаатын методиһа.