Кыргыттарбыт Минскэй көбүөрүгэр

Олунньу 17-18 күннэригэр Беларусь Республикатын киин куоратыгар Минскэйгэ 23-гэр диэри саастаахтарга дьахталлар тустууларыгар хамаанданан бастыыр иһин норуоттар икки ардыларынааҕы күрэхтэһии ыытыллан түмүктэннэ.

Бу күрэхтэһиигэ Беларусь, Россия, Кыргызстан хамаандалара кыттыыны ыллылар. Ол курдук, барыта аҕыс хамаанда икки бөлөххө арахсан күрэхтэстэ. Манна Россия хамаандата үс састаабынан кытынна. Хамаанда састаабыгар саха тустууга кыһатын иитиллээччилэрэ Александра Копылова, Лилияна Рожина уонна СР дьахталларга сүүмэрдэммит хамаандатын сүрүн тренерэ Ким Колодезников кытыннылар.

Күрэхтэһии түмүгүнэн Лилияна Рожина кыттыбыт Россия иккис хамаандата үһүс бириистээх миэстэни ылла. Оттон Александра Копылова кыттыбыт хамаандата төрдүс буолла.

Быһаарыылаах киирсиигэ Беларусь-1 хамаандатын хотон, кыайыылааҕынан Россия бастакы нүөмэрдээх састааба таҕыста.

“Дьулур5ан”.

Добавить комментарий

Ваш адрес email не будет опубликован. Обязательные поля помечены *

030929
Бүгүн : 111