“Дьулурҕан” куонкурса: билиҥҥитэ алта киһи 8-тыы очукуолаах

Бэҕэһээ, көҥүл тустууга Европа чемпионатын бастакы күнүн ухханыгар соһуччу кэриэтэ спорду таптааччыларга үгэс быһыытынан «Дьулурҕан» куонкурсун тэрийэр туһунан санаа эмискэ көтөн түспүтэ. Онон түргэн үлүгэрдик, күн аҥарын иһигэр хоруйдары тутуу буолла. Дьиҥэ, куонкурус олохтоох соҕустук, икки-үс күн инниттэн элбэх киһини хабан ыытыллыахтааҕа...

Чэ, ол да буоллар, төһө даҕаны ыгым кэм буоллар, биһиги бэриниилээх ааҕааччыларбыт, тустууну сэҥээрээччилэр, барыта 20 киһи бэйэтин сылыгын ыытта.

Кинилэр, бэйэлэрин билгэлээһиннэрин ыыппыт бэрээдэктэринэн бу бааллар: Степан Иванов, Степан, Владислав, Валериан Петров, Василий, Айсен, Егор Бурцев, Вадим Петров, Мила, Данил Данилов, Евгений Д., Вадим Петров, Иван Иванов, Семен Оготоев, Валерий Ефремов, Николай Алексеев, Федора Захарова, Андрей Александров, Владислав, Иван Рожин, Сэргэй Лукин.

Барыларыгар, биһиги ыытар үлэбитигэр көхтөөх кыттыыларын иһин барҕа махтал!

Куонкуруска үс ыйытык бэриллибитэ. Олортон, “ыйааһыннарынан кимнээх финалга тахсыахтарай?” диэҥҥэ барыллаан түмүк оҥоруохха сөп. Ол курдук, билиҥҥитэ Вадим Петров, Валерий Ефремов, Николай Алексеев, Андрей Александров, Владислав, Сэргэй Лукин 8-тыы очукуоланнылар. Маннык түгэҥҥэ, кыайыылаах биир эрэ буоларын инниттэн, ким бэйэтин хоруйун инники ыыппыт – ол барыстаах буолара эрдэттэн биллэр этэ. Онон Вадим Петров инники таҕыста диэххэ сөп.

Ол эрэн, аны икки ыйытык хоруйдара аһаҕастар: ыйааһыннарынан кимнээх чемпионнууллар уонна Арыйаан Тютрин хаһыс миэстэни ыларый диэн. Ол – бу түүн быһаарыллыа. Дьэ, ким бастыыр эбитий?

Кыайыылаахха Израил Тотоонти “100 лет вольной борьбы» диэн сэдэх ыйынньык-кинигэтэ анал бириис быһыытынан туттарыллыа.

«Дьулурҕан».