Бастакы президеммит сырдык аатыгар

Хаҥалас улууһун Өктөмүгэр саха норуотун Аар Дархана Михаил Ефимович Николаев сырдык аатыгар аналлаах саахымакка күрэхтэһии буолан ааста.

Саахымакка күрэстэһии номнуо 14-с сылын ыытыллар, оттон өрөспүүбүлүкэ үрдүнэн ыытыллар буолбута үһүс сыла. Күрэхтэһиигэ барыта 110 киһи кытынна. Хаҥалас улууһун оскуолалара бары уонна Дьокуускайтан “Айыы Кыһатын”, физико-техническэй лицей (ФТЛ) үөрэнээччилэрэ.

Күрэхтэһээччилэр саастарынан үс бөлөҕүнэн күрэхтэстилэр. Айыы кыһатыттан Васильев Батый-Хан, Дормидонтов Кэскил, Попов Айсен, Лавтев Кеша, Ольга Васильева кытыннылар. Кинилэртэн 10-с кылаас үөрэнээччитэ Ольга Васильева бастакы миэстэни ылла.

Михаил Ефимович кэнчээри ыччат үүнэригэр-сайдарыгар анаарбыт үгүс бырайыактара кэҥии, үрдүү турдуннар. Өркөн өйү, тобуллаҕас, оҕуруктаах толкуйу ирдиир саахымат ооонньуунан үлүһүйэр, сүгүрүйэр, уһуйар оҕолорго, тренердэргэ ситиһиилэри.

Сайын Саввинова.

Ааптар хаартыскаҕа түһэриилэрэ.