Ини-бии Шелковниковтар бириистэригэр

Быйыл Уус Алдан улууһугар Аҕа сылынан биллэриллибитэ, ол чэрчитинэн Шелковниковтар аймах тэрээһининэн улуус киинигэр, Н.Н. Тарскай аатынан спорт дыбарыаһыгар 6 ини-бии Шелковниковтар бириистэригэр саанан (пневматика) ытыыга биирдиилээн уонна хамаанданан бастыыр иһин күрэхтэһии ыытылынна. Манна 8 хамаанда (64 кыттааччы) илин-кэлин түсүһэн күүстээҕи быһаарыста.

Күрэхтэһии түмүгүнэн: бастакы миэстэни “Мүрү-1” (7 очколаах), иккиһи “Сыырдаах-2” (11 очколаах), үсүһү “Сыырдаах-1” (11 очколаах) ылары ситистилэр. Иккис-үһүс миэстэни ким ыларын хаачыстыбанан быһаарыстылар.

Хамаанданан киирсии бирииһэ: 1 миэстэҕэ – 50.000, 2 миэстэҕэ – 30.000, 3 миэстэҕэ – 15.000.

Микс Куропатка+Белка (кыргыттар/уолаттар): 1. Ширяева Христина, Стручков Айаал (Сыырдаах-2), 2. Прудецкая Вероника, Охлопков Алексан (Мүрү-1), 3. Бурцева Анастасия, Осипов Жора (Мүрү-2).

Микс. Куропатка+Белка (улахаттар): 1. Куличкина Ольга, Тарскай Лаврентий (Мүрү-1), 2. Бурнашева Уйгулана, Оллонов Геннадий (Мүрү-2), 3. Шелковникова Оксана, Алексеев Гаврил (Дүпсүн).

Микс. Куропатка+Белка (улахаттар): 1. Неустроева Анна, Неустроев Иван (Сыырдаах-1), 2. Гуляева Марта Решетников Василий (“Дьулуур”), 3. Березкина Тамара, Стручков Валерий (Сыырдаах-2).

Көрүҥнэринэн.

Куропатка-ВПп (абсолютка): 1. Неустроева Анна, Неустроев Иван (Сыырдаах-1), 2. Гуляева Марта, Решетников Василий (“Дьулуур”), 3. Березкина Тамара, Стручков Валерий (Сыырдаах-2).

Абсолютка (бэтэрээннэр): 1. Решетников Василий (“Дьулуур”), 2. Неустроев Иван (Сыырдаах-1), 3. Петухов Прокопий (Шелковниковтар хамаандалара).

Абсолютка. Куропатка-ВПп:

1. Явловскай Василий (Сыырдаах-1) – Шелковниковтар бириистэрин 10.000 солк.
2. Тарскай Лаврентий (Мүрү-1) – Өнөр нэһилиэгин 5000 солк. сертификата.
3. Андросов Иннокентий (личник) – буулдьанан ытыы федерациятын (Оллонов Г.Н.) бирииһэ.

Абсолютка. Белка-ПС

1. Тарскай Лаврентий (Мүрү-1) – Шелковниковтар 10.000 солк. бириистэрэ.
2. Куличкина Ольга (Мүрү-1) – Дүпсүн нэһилиэгин анал бирииһэ.
3. Явловскай Василий (Сыырдаах-1) – буулдьанан ытыы федерациятын (Оллонов Г.Н.) бирииһэ.

Ону тэҥэ Шелковников Роман Михайлович сыдьааннара икки саха быһаҕын анал бириис быһыытынан (спонсор Саха Республикатын уонна Ньурба улууһун норуот маастара Афанасьев Ариан Васильевич – Арыйаан Уус) “Кыайыыга дьулуурун иһин” Петухов Прокопий Прокопьевичка, Шелковниковтар хамаанда чилиэнигэр уонна Егор Егорович Шелковников хамаанда капитаныгар  туттардылар.

Күрэхтэһии саамай аҕам саастаах кыттааччытыгар анал бирииһи – саха быһаҕын хаһаайынынан Майаҕас олохтооҕо, 72 саастаах Охлопков Григорий Константинович буолла, (спонсор Лоҥхо Алексей Михайлович, Нам улууһун, Хатырык нэһилиэгин тимир ууһа).

Күрэхтэһии эдэр кыттааччыта анал бирииһи туттулар:

Бочкарева Наташа (“Дьулуур”) – 4500 солк. харчы (спонсор Нам улууһугар “Уус-Алдан” түмсүү салайааччыта Мари, Сандаара Баат).

Охлопков Александр (Мүрү-1) – 4500 солк. (спонсор Нам улууһун ИДьО сотрудниктара).

“Кыайыыга дьулуурун иһин” 4000 солкуобай Өнөр хамаандатын эдэр кыттааччытыгар Афанасьев Айдыҥҥа туттарылынна (спонсор Нам улууһун ИДьО ветераннарын түмсүүтэ, салайааччы Куличкин Р.М.).

Шелковников Михаил Михайлович сыдьааннарын анал бирииһэ “Перфоратор-ударная дрель” Дүпсүн хамаандатыттан саамай үрдүк (бастыҥ) көрдөрүүлээх Шелковникова Оксана Васильевнаҕа туттарылынна.

Маны таһынан “Көрөөччүлэр биһирэбиллэрэ” номинация – 6000 солк. туттарылынна Шелковниковтар хамаандаларыгар (спонсор Нам улууһун ИДьО ветераннарын түмсүүтэ, салайааччы Куличкин Р.М.) туттарылынна.

Бу күрэхтэһиини тэрийэн ыыттылар: 6 ини-бии Шелковниковтар, кинилэр улахан убайдара Дмитрий Михайлович, балтылара-эдьиийдэрэ Дария уонна Александра Михайловналар бары сыдьааннара биир киһи курдук түмсэн, сомоҕолоохторун көрдөрдүлэр. Тэрээһиҥҥэ биир төһүү күүһүнэн Уус Алдан улууһун (баһылык Аммосов Василий Иванович), Мүрү нэһилиэгин (баһылык Румянцев Прокопий Гаврильевич) администрациялара, улуус ытыыга федерацията (Оллонов Геннадий Николаевич), улуус мунньаҕын депутата Шелковников Гаврил Гаврильевич буоллулар.

Ыспыраапка: Фекла, Михаил Шелковниковтар уопсайа 9 оҕону иитэн таһаарбыттара. Улахан уол Дмитрий сааһынан хабыллыбатаҕа, тыылга үлэлээбитэ, стахановец, мас ууһа. “За доблестный труд ВОВ” мэтээлинэн наҕараадаламмыта, Сталинтан махтал суруктары туппута. Кыргыттар эмиэ тыылга күүскэ үлэлээбитэ, Александра Уус Алдан бастакы тракторист дьахталларыттан биирдэстэрэ буолар.

Гаврил, Роман, Егор, Федор, Прокопий уонна Михаил бары Аҕа дойду сэриитигэр ыҥырыллыбыттара, арҕаа уонна илин фроннарга сэриилэспиттэрэ, Прокопий кыргыһыы толоонугар геройдуу охтубута, атыттар бары эргиллэн кэлбиттэрэ. Сүөдэр сэриигэ ылбыт бааһыттан 1946 с. өлбүтэ.

“Дьулурҕан”.