Сонуннар

Саахымакка Дьокуускай куорат чемпионата

Республикатааҕы Саахымат-дуобат киинигэр Дьокуускай куорат саахымакка чемпионата биэс күн устата ыытыллан түмүктэннэ. Чемпионат классическай оонньуутугар барыта 43 саахыматчыт кытынна.

Күрэхтэһии сүрүн судьуйата, Бүтүн Россиятааҕы 1-кы категориялаах судьуйа Гаврил Винокуров биһиэхэ иһитиннэрбитинэн, республика киин куоратын саахымакка 2024 сыллааҕы чемпионунан эдэр кэскиллээх оонньооччу Арсений Чумаевскай буолла. Бу ситиһиитинэн кини аны Үрдүкү лигаҕа оонньуур кыаҕы ылла.

Иккис миэстэҕэ Владислав Жирков таҕыста. Үһүс бириистээх миэстэни Альберт Постников ылла. Дьахталларга Полина Пак бастаата, Арина Васильева иккистээтэ, Арианна Филиппова үһүстээтэ.

Онтон Суһал түргэн оонньууга түмүк маннык буолла: эр дьоҥҥо – 1. Владислав Жирков, 2. Роман Ганжуров, 3. Денис Назаров, дьахталларга – 1. Арина Васильева, 2. Полина Пак, 3. Туйаара Адамова.

Үс бастакы миэстэни ылбыттар мэтээллэринэн уонна грамоталарынан наҕараадаланнылар. Ону тэҥэ анал бириистэр оонньоннулар. Холобур, кыргыттарга бастыҥ көрдөрүүнү ситиспит Сайаана Аргунова өйдөбүнньүк бэлэҕинэн бэлиэтэннэ.

“Дьулурҕан”.

Добавить комментарий

Ваш адрес email не будет опубликован. Обязательные поля помечены *

160223
Бүгүн : 123