Кыайыыны-хотууну күүтэбит

Быйыл «Азия оҕолоро» норуоттар икки ардыларынааҕы спортивнай оонньуулар бэс ыйын 25 күнүттэн – от ыйын 7-гэр диэри Дьокуускай куоракка ыытыллыахтара.

Бу оонньуулар Саха Өрөспүүбүлүкэтин маҥнайгы Президенэ Михаил Ефимович Николаев көҕүлээһининэн 1996 сыллаахха тэриллибиттэрэ уонна күн бүгүҥҥээҥи диэри ыытылла тураллар. Билигин оонньуулар киэҥ эйгэҕэ тахсан, быйыл кыттарга 25 дойду бигэргэттэ, ону таһынан дойдубут федеральнай уокуруктарыттан 7 хамаанда кэлэрэ күүтүллэр. Барыта хас да тыһыынча киһи – тренердэр уонна спортсменнар араас олимпийскай көрүҥнэргэ кытталлара былааннанар.

Оонньуу программатыгар билигин спорт 17 булгуччулаах көрүҥнэрэ киирэллэр, олортон биирдэстэрэ – волейбол. Ол курдук, Дьокуускай куораттан сылдьар 15 саастаах Андреева Сандаара быйыл оонньууларга Саха сирин волейболга хамаандатыгар киирдэ. Бэйэтэ бу буолаары турар “Азия оҕолоро” оонньууга күүстээх дьарык уонна бэлэмнэнии бара турар диэн этэр. Күнтэн-күн спортсменка тренерэ Саргылаана Семеновна Оконешникова оҕолоругар сүбэ-ама биэрэн, күрэхтэһиигэ бэлэмниир. Сандаара хамаанданан маҥнайгы улахан ситиһиитинэн, олунньу 22-26 күннэригэр Самара куоракка ыытыллыбыт күрэхтэһиигэ финалга киирэн, 4-с миэстэни ылыыта буолар. Бэйэтэ этэринэн, бу маннык ыраах дойдуларга ыытыллар күрэхтэһиилэргэ кыттан, киһи улахан опыт ылар уонна билиитэ кэҥиир.

“Бу буолаары турар оонньуулартан биллэн турар, күүтэбин кыайыыны-хотууну”, – диэн бэйэтин этиитин түмүктүүр.

Юра ПАВЛОВ, Мэҥэ-Хаҥалас улууһун Хаптаҕай орто оскуолатын 11-с кылааһын үөрэнээччитэ.

Хаартыскаҕа: Саха сирин волейболист кыргыттара, Сандаара Андреева уҥаттан үһүс турар.