Сонуннар

Ярыгин-2024: Никита Хабаров боруонса мэтээллэннэ!

Красноярскай. «Иван Ярыгин Кубога» спортивнай тустууга норуоттар икки ардыларынааҕы турнирга Саха сирин хамаандата иккис мэтээллэннэ. Ону ыарахан ыйааһыҥҥа кыттар, тустууну таптааччыларга «Муома хайатынан» ааттаммыт Никита Хабаров аҕалла.

Кини Красноярскай турнирыгар турок Бюйюкчингилы, дагестанец Алижудиновы кыайан баран, Анзор Хизриевка (С-Петербург) хотторон кэбиспитэ. Онтон Хизриев финалга тахсыбытын быһыытынан, уолбут «уоскутар» бөлөххө киирэн кубинец Торреһы хоппута. Итиэннэ киэһэ турнир боруонса мэтээлин иһин Остап Пасенок диэн Кемерово бухатыырын кытта тустуохтааҕа. Ону киһитэ эчэйиилээх буолан көбүөргэ туста тахсыбата. Кыайыы биһиги бөҕөспүтүгэр бэрилиннэ.

Онон 23 саастаах Никита Хабаров (тренерэ А.Некрасов) – Иван Ярыгин Кубогын боруонса призера буолла. Эҕэрдэлиибит!

Кини сахалар даҕаны ыарахан ыйааһыҥҥа маннык улахан таһымнаах түһүлгэҕэ ситиһиилээхтик кыттар кыахтаахтарын көрдөрдө. Никита тустууларын Дьулурҕан ютуб каналыгар көрүөххүтүн сөп.

«Дьулурҕан».

 

Добавить комментарий

Ваш адрес email не будет опубликован. Обязательные поля помечены *

201732
Бүгүн : 15