Евгений Кривошапкин ситиһиитин сыаналыахха

«Забота-Арчы» хаһыат сыл аайы ааҕааччыларыгар Саҥа дьылы көрсө, үүнэр сыл өҥнөөх халандаарын бэчээттээн таһаарар. Былырыыҥҥы халандаарга сылгыһыт, айанньыт Дугуйдаан Винокуров тахсыбыт эбит буоллаҕына, бу сырыыга аан дойду саамай үрдүк хайатын – Эвереһи дабайбыт Евгений Кривошапкин хаартыскатынан халандаар оҥорон таһаарда.   

СР норуотун хаһаайыстыбатын үтүөлээх үлэһитэ, Бойобуой дьайыылар бэтэрээннэрин ассоциациатын председателэ Иван Петрович Черкашин санаата:

–2023 сыл бастыҥ спортсменынан Евгений Кривошапкин буолуохтаах этэ. Дьиҥэ кини ситиһиитэ, олимпийскай чемпиону кытта тэҥнээх. Эверест хайатын дабайбытын быһыытынан. Урут Эверестка тахсыбыт киһини Ленин уордьанынан наҕараадалыыллара уонна спорт үтүөлээх маастарын нуорматын иҥэрэллэрэ. Итиэннэ олимпийскай чемпиону кытта тэҥнээх буоларын быһыытынан, киниэхэ Россия үтүөлээх маастара иҥэриллиэхтээх уонна Ийэ дойдуга үтүөтун иһин 4-с степеннээх уордьан, Бочуот знага, эбэтэр омуктары кытта бииргэ Эверест хайаҕа тахсыбытын иһин, Доҕордоһуу уордьана, ити үстэн биирдэстэрэ бэриллиэхтээх этэ дии саныыбын. 

Бу санааны эһиги туох дии саныыгытый?

Петр ПАВЛОВ.