Сонуннар

Ким эрчиллиилээх – ол кыайда!

Сэтинньи 30 күнүгэр, Амма улууһун Эмис нэһилиэгин саалыгар «Боотурдар оонньуулара» диэн многоборьеҕа дьарыктанар уолаттарга күрэс буолла.

Уолаттары многоборьеҕа дьарыктыыр Ларионов Александр Александрович:

– Быйылгыттан эбии үөрэхтээһин учууталынан үлэлиибин, уолаттары национальнай многоборьеҕа дьарыктыыбын. Бүгүҥҥү күрэскэ оонньуубут түһүмэхтэрэ: Үс төгүл үс, сүүрүү, оҕунан ытыы, тутум эргиир, хапсаҕай, мас тардыһыыта, ыараханы көтөҕүү.

-Бу күрэһи тэрийэргитигэр ким өйөбүл буоллай?

-Күрэскэ улахан күүс-көмө көрдөөбөтүбүт. Николаев Валентин Павловичтыын тэрийдибит. Барыта бэйэбит толкуйбутунан буолан ааста.

үрэс хайдах аастай? Сүрүн сыала-соруга тугуй?

-Үлэбин саҕалыахпыттан толкуй киирэн былааҥҥа турбута. Ый аайы саҥа күрэхтэһиилэри тэрийэргэ былааннаабыппыт. Оҕо сайдыытын кэтээн көрөн ханнык көрүҥҥэ ситиһэрэ-ситиспэтэ көстөр, оччоҕуна инникитин үлэлииргэ оҕо ситиһиитин улаатыннарарга үрдэтэргэ чэпчэки буолар.

-«Боотурдар оонньуулара» үгэс курдук ыытылла туруо дуо? Туох дии саныыгытый?

-Күрэхтэрбитин ый аайы оҥоро туруохпут. Онно улахан спонсор, көмө көрдүөхпут суоҕа. Билигин биһиэхэ сылаас спортивнай зааллаахпыт. Кубоктары, призтары бэйэбит булабыт.

ҕолорго бэйэҕит баҕа санааҕытын этиэххит дуо?

-Оҕолорго этиэм этэ, спордунан дьарыктана, эттэрин-хааннарын эрчийэ сырыттыннар. Дьарыкка кэлин диэн ыҥырабын. Эт-хаан, өй-санаа өттүнэн сайдан Эмис нэһилиэгиттэн «Дыгын оонньууларыгар» уолаттар тиийиэхтэрин баҕарабын!

-Баҕа санааҕыт туолуоҕа диэн тураммын эһиэхэ, уонна оҕолоргутугар инникитин элбэх ситиһиилэри баҕарабын.

-Дьүүллүүр сүбэнэн үлэлээтилэр нэһилиэкпит спорт инструктора Ноговицына Нонна Николаевна, тустуу тренерэ Тастыгин Аркадий Николаевич, спорт саалатын дириэктэрэ Николаев Валентин Павлович.

«Боотурдар оонньууларыгар» барыта холбоон 12 боотур илин-кэлин түсүһэн кытынна. Олортон эрэллээхтик 1-кы миэстэни ылбыт кыайыылаахпыт Эмис орто оскуолатын 11-с кылааһын үөрэнээччитэ Платонов Петя биир булуок согунан, мэтээлинэн, кубогынан наҕараадаланна.

Ону тэҥэ тилэх баттаһа кини бииргэ төрөөбүт быраата, 9-с кылаас үөрэнээччитэ Платонов Алеша 2-с миэстэ, 10-с кылаас үөрэнээччитэ Уваров Эльдар 3-с миэстэ буоланнар, анал байыаннай эпэрээссийэ кыттыылааҕа Чемезов В.Е. уу харчынан бирииһи туттарда.

Кыайыыны ылбыт Платонов Петя бэйэтин санаатын эттэ:

-Бастакы миэстэ буолбуппуттан олус үөрдүм уонна кэлин бэйэм көрдөрүүбүн өссө тупсарыахпын наада диэн сананным. Махтаныам этэ биһигини үөрэппит тренербитигэр Ларионов Александр Александровичка, кини биһигини пятиборьяҕа дьарыктаабытын иһин.

х х х

Ити курдук биһиги оскуолабыт оҕолоро эт-хаан өттүнэн эрчиллэн, күүстэрин-уохтарын күүһүрдэн, дьарыктанан, элбэх ситиһиилэри ылаллар.

Хомуйан суруйда В.М. Новиков Күннүк Уурастыырап аатынан Эмис орто оскуолатын 8-с кылааһын үөрэнээччитэ Эрчим НИКОЛАЕВ.

10-с кылаас үөрэнээччитэ Милена ЛАРИОНОВА хаартыскаҕа түһэриитэ.

Добавить комментарий

Ваш адрес email не будет опубликован. Обязательные поля помечены *

199039
Бүгүн : 330