Ахсынньы аам-даам тымныытын аахсыбакка…

Бүгүн Бэрдьигэстээххэ Саха Өрөспүүбүлүкэтин Үлэ уонна физкультурнай хамсааһын 100 сылыгар анаммыт аҕам саастаах дьон спартакиадата буолла.

Бэйэлэрин нэһилиэктэрин аатын көмүскүү Маҥаныттан, Атамайтан, Октябрьскайтан, Кировскайтан, Одунуттан, Мытаахтан, Бэрдьигэстээхтэн кыайыыга дьулуурдаах, кырдьары билиммэт, үлэ бастыҥ дьоно спорт түөрт көрү ҥэр тыҥааһыннах киирсиини көрдөрдүлэр.

Спортсменнары бэтэрээннэр Сэбиэттэрин бэрэссэдээтэлэ Любовь Пахомова, физическэй култуура уонна маассабай спорт сайдыытын киинин дириэктэрэ Степан Константинов, кылаабынай судьуйа Айталина Колодезникова эҕэрдэлээтилэр, ситиһиилэри баҕардылар.

Күрэхтэһии көрүҥнэринэн чемпионнар уонна призердар:

Дуобат: I Одуну, II Бэрдьигэстээх, III Мытаах.

Хабылык, хаамыска: I Одуну, II Бэрдьигэстээх, III Кировскай.

Остуол тенниһэ: I Бэрдьигэстээх, II Октябрьскай, III Кировскай.

Дартс: I Бэрдьигэстээх, II Одуну, III Кировскай.

Уопсай түмүккэ, бастакы миэстэни Бэрдьигэстээх, иккиһи Одуну, үсүһү Кировскай хамаандалара ыллылар.

Ахсынньы аам-даам тымныытын аахсыбакка, бэйэлэрин дьоннорун аҕалан күрэхтэһиннэрбит нэһилиэктэр салалталарыгар спорт инструктордарыгар махтал тыллар ананнылар.

Вячеслав Алексеев, “Үлэ күүһэ” хаһыат суруналыыһа.

Горнай.