Кудухов-2023: Николай Охлопков чемпион!

Краснодарга аан 4 төгүллээх чемпиона, Олимпиада икки төгүллээх призера, спорт үтүөлээх маастара Бесик Кудухов кэриэһигэр көҥүл тустууга эдэрдэргэ Бүтүн Россиятааҕы күрэхтэһии ыытылла турар.

Бу түһүлгэ быйыл Россия 21-гэр диэри саастаахтарга күһүҥҥү күрэхтэһиитинэн ааҕыллар. Бастакы финаллар саха тустууга кыһатыгар үөрүүлээх буоллулар. Ол курдук, Николай Охлопков 57 киилэҕэ быһаарыылаах хапсыһыыга утарсааччытын дагестанец Магомедхановы киирээт, 2:0 ахсаанынан хотон иһэн, устунан ыраастык кыайда.

Ол оннугар 65 кг үһүс миэстэ иһин тустубут уолаттарбыт Василий Григорьев уонна Юлиан Григорьев хотторттоон кэбистилэр. Онон, бэйэлэрин ыйааһыннарыгар бочуоттаах бэһис миэстэлэннилэр.

Кыайыылаах Николай Охлопковы уонна кини тренердэрин эҕэрдэлиибит!

Николай туһунан кылгастык билиһиннэрэр буоллахха, кини Эдьигээнтэн төрүттээх. Бастакы тренерэ Николай Филиппов, төрдүс кылаастан В.П. Керемясов аатынан Дьокуускай куорат 3 №-дээх спортивнай оскуолатыгар эрчиллибитэ. Тренерэ – ССРС спордун маастара, СР үтүөлээх тренерэ Прокопий Семенович Иванов. Коля билигин Р.М. Дмитриев аатынан Олимпийскай эрэ училищетыгар үөрэнэр, дьарыктанар. Уолаттарга Саха сирин уонна Дальнай Восток күрэхтэһиилэрин кыайыылааҕа. Дьоно Намҥа олороллор.

Бастакы финаллар түмүктэрэ:

57 кг: 1. Николай Охлопков (Саха сирэ), 2. Магомедхан Магомедханов, 3. Ахмад Галаев (иккиэн – Дагестан), Сосланбек Акоев (РСО-Алания).

65 кг: 1. Адам Архиев (Чечня), 2. Билал Казимагомедов (Ленинград уоб), 3. Даниил Бондар (Красноярскай), Амаль Джандубаев (КЧР).

74 кг: 1. Алу Духаев, 2. Адлан Абакаров, 3. Мурад Тахо-Годи, Имран Халидов (бары —Дагестан).

86 кг: 1. Бозигит Исламгереев (ХМАО), 2. Тамирлан Гигиев (КБР), 3. Роберт Мурадян (Ставрополь), Али Шамиров (Дагестан).

97 кг: 1. Шахман Нухаев (Чечня), 2. Ахмед Тимисултанов (Дагестан), 3. Азамат Яхултов (Крым), Ирбег Тавгазов (РСО-Алания).

“Дьулурҕан”.

Евгений Гуров хаартыската.