Сонуннар

Белград-2023: Куонкурус кыайыылааҕынан ким буолуой?

Көҥүл тустууга аан дойду чемпионатын көрсө олохтоммут үгэс быһыытынан «Дьулурҕан» сайтыгар спорду таптааччыларга, тустууну сэҥээрээччилэргэ анаан билгэлээһин куонкурус тэрийдибит.

Онуоха болдьоммут кэмҥэ 33 киһи бэйэтин сылыгын ыытта. Кинилэр ааттара, хаһан ыыппыт бэрээдэктэринэн бу баар: Семен Рожин, Альберт Иванов, Дмитрий Яковлев, Симак Т, Надежда Александрова, Иннокентий Степанов, Федора Захарова, Семен Афанасьев, Степан, Василий Алексеев, Анастасия Алексеева, Айсен Молуков, Евгений Дьячковскай, Шкулев Герман, Валерий Ефремов, Василий С, Иван Иванов, larijones, Арыллан, Arsen, Семен, Спиридон Иванов, Константинов Вячеслав, Тимур Костокуунэп, Алексей, Александров Андрей, Капитонов Егор, Иван Рожин, Стас Дьяконов, Константин Стручков, Лариса, Сэргэй, Гаврил Скрябин.

Куонкуруска болҕомто ууран кыттыбыттарга барыларыгар барҕа махтал!

Көрөргүт курдук, састаап син эмиэ Белград көбүөрүгэр курдук күүстээх, сүрүннээн өрүү кыттар дьон. Кинилэр ортолоругар араас сылларга «Дьулурҕан» ыыппыт куонкурустарын кыайыылаахтара Федора Захарова, Василий Алексеев, Анастасия Алексеева, Айсен Молуков, Валерий Ефремов, Вячеслав Константинов, Андрей Александров, Иван Рожин бааллар. Дьэ, ким кыайар?

Аны чемпионат хаһан түмүктэнэрин кэтэһэбит уонна күрэхтэһии түмүгүн – ыытыллыбыт билгэлээһиннэри кытта тэҥнээн, кыайыылааҕы быһаарыахпыт. Бу сырыыга сүрүн бирииһи тэҥэ, иккис көрдөрүүлээх киһи эмиэ наҕараадаланыа. Куонкурус ыытылларын билэн, «Первый борцовский» сурунаал редактора Иван Барашков, “Бриллианты борцовского ковра” диэн саҥа таһаарбыт кинигэтин бириис быһыытынан анаата. Иваҥҥа улахан махтал!

«Дьулурҕан».

Добавить комментарий

Ваш адрес email не будет опубликован. Обязательные поля помечены *

161109
Бүгүн : 163