Улуу тренер бэлиэ күнүгэр дьоһун бэлэх

ССРС, РСФСР, Саха АССР үтүөлээх тренерэ Д.П. Коркин төрөөбүтэ 95 сылыгар анаан Петр Калачев «Учууталым илиитэ» диэн саҥа кинигэтэ атыыга таҕыста. Кинигэни «Строительнай» рынок араҥас дьиэтин 1-кы этээһигэр бэчээт киоскатыттан ылыаххытын сөп. Сыаната – 1000 тыһ. солк.

Ааптар Петр Николаевич Калачев уһулуччулаах тренер Д.П. Коркин бастакы иитиллээччилэриттэн биирдэстэрэ, көҥүл тустууга ССРС спордун маастара, РСФСР норуотун үөрэҕириитин туйгуна, Саха Республикатын үөрэҕириитин үтүөлээх үлэһитэ. Бу кинигэ – Дмитрий Петрович сүдү уобараһын ситэ арыйарга, үс саха уола 1976 сыллаахха Монреаль Олимпиадатын пьедесталыгар тахсыылара салгыы үөрэтиллэригэр өссө биир хардыынан буолуоҕа.

П.Н. Калачев, кинигэ бэчээттэнэн тахсыытыгар күүс-көмө, өйөбүл буолбут Д.П. Коркин кэргэнэ Александра Семеновнаҕа, олимпиец Александр Николаевич Ивановка, биллиилээх суруналыыс Александр Васильевич Васильевка – Көрдүгэҥҥэ махталын тиэрдэр.

Кинигэ, «Сайдам» кинигэ кыһатын иһинэн 500 ахсаанынан бэчээттэннэ. Дьоһун кинигэни атыылаһа охсорго тиэтийиҥ.

«Дьулурҕан».