Боксаҕа бу сырыыга ытыс соттуута…

Хабаровскай куоракка Россия эр дьоҥҥо боксаҕа чемпионата ыытыллан түмүктэннэ. Чемпионакка Саха сириттэн 12 боксёр кытынна. Бу сырыыга биһиги хамаандабытыттан ким даҕаны мэтээлгэ тиксибэтэҕэ хомолтолоох.

Саамай эрэммит киһибит, Россия чемпионатын биэс төгүллээх кыайыылааҕа, спорт үтүөлээх маастара Василий Егоров (51 кг) икки утарсааччытын кыайан баран, финал чиэппэригэр бурят Баир Батлаевка хотторуута соһуччу буолла. Салгыы күрэхтэһиигэ Батлаев – Стахеевы (Челябинскай) уонна финалга Салиевы (Дагестан) кыайан, чемпион үрдүк аатын ылла.

Эмиэ финал чиэппэригэр тиийбит Хаҥалас ыччата Николай Пшенников (60 кг) тэҥ киирсиигэ рингэ хаһаайына Никита Космаҥҥа хотторбута. Киһитэ финалга тахсыбыта. Атыттарбыт эрдэ туораатылар.

Боксердарбыт кыттыыларын туһааннаах специалистар үчүгэйдик ырытан, сөптөөх түмүк оҥоһулларыгар баҕарабыт.

Россия чемпионатыгар боксёрдарбыт киирсиилэрэ:

Бастакы күн:

51 кг Василий Егоров – Артур Нагапетян (Москва) 5:0

60 кг Николай Пшенников – Иван Горда (С-Петербург) 5:0

80 кг Назар Андреев – Ильяс Магомедов (Дагестан) 1:4.

Иккис күн:

57 кг Михаил Варламов – Рафик Амирханов (Москва уоб.) 5:0

57 кг Ян Алексеев – Дмитрий Шиповскай (Севастополь) 0:5.

Үһүс күн:

48 кг Рустам Дьяконов – Адам Альвиев (Чечня) 0:5

48 кг Михаил Прокопьев – Гога Топурия (Ставрополь) 1:4

48 кг Рустам Туприн – Виталий Потапов (Свердловскай) 5:0

60 кг Николай Пшенников – Никита Петин (Москва) 2-с рауҥҥа быһа кыайыы.

Төрдүс күн:

51 кг Василий Егоров – Ахтем Закиров (Крым) 4:1

51 кг Талбан Егоров – Расул Салиев (Дагестан) 0:5

51 кг Николай Григорьев – Ислам Албасханов (Чечня) 0:5

54 кг Айаал Степанов – Максим Хариборко (Алтай) 0:5

57 кг Михаил Варламов – Юрий Двали (Москва уоб.) 0:5

Бэһис күн:

48 кг Михаил Туприн – Александр Бушукин (Алтай) 0:5

Алтыс күн:

51 кг Василий Егоров – Баир Батлаев (Бурятия) 0:5

60 кг Николай Пшенников – Никита Косман (Хабаровскай) 0:5.

«Дьулурҕан».