Аҕам саастаах бөҕөстөрбүт – Россия чемпионатыгар

Эрдэ иһитиннэрбиппит курдук, бэс ыйын 6-9 күннэригэр Смоленскайга, көҥүл тустууга аҕам саастаахтарга Россия аһаҕас чемпионата ыытыллар.

Тэрийээччилэр биллэрбиттэринэн, көбүөргэ барыта 200-чэкэ бөҕөс – Россияттан, Беларусьтан, Казахстантан, Таджикистантан, Узбекистантан, Туркменистантан, Молдоваттан, Арменияттан, Монголияттан уонна Италияттан тахсаллара күүтүллэр.

Кыттааччылар ортолоругар аҕам саастаахтарга аан дойду, Россия чемпионнара уонна призердара, урукку ССРС саҕанааҕы күрэхтэһиилэр кыайыылаахтара кыттыыны ылыахтара.

Биһиги билэрбитинэн, бу аһаҕас чемпионакка Саха сириттэн уон бөҕөс кыттар. Ол курдук, Терентий Халгаев, Айаал Иванов, Максим Шкулев, Валентин Хомутовскай, Анатолий Олесов, Вадим Данилов, Николай Баттахов, Иннокентий Данилов, Ефрем Ефремов, Андрей Каженкин.

Эдэрдии эрчимнээх аҕам саастаах бөҕөстөрбүтүгэр ситиһиилээх кыттыыны баҕарабыт уонна Смоленскайтан үчүгэй сонуннары кэтэһэбит!

Бүгүн бары ыйааһыннарга сэрэбиэй, сарсын уонна өйүүн – тустуу. Чемпионат программатын dzulurgan.ru сайтпытыгар таһааран турабыт. Быһа биэриини WRESTLINGTV.RU платформаҕа көрүөххэ сөп.

«Дьулурҕан».