Игидэйгэ хайыһар күрэхтэһиитэ

Муус устар 5-6 күннэригэрТаатта улууһун Игидэй нэһилиэгэр улуус оскуолаларын уонна улахан дьоҥҥо комплекснай спартакиада хайыһарга күрэхтэһии буолан ааста.

Улуус хайыһарга спордун федерацията, Игидэй нэһилиэгин дьаһалтата уонна олохтоох оскуола коллектива бу тэрээһини иилэн-саҕалаан ыыттылар.

Күрэхтэһии аһыллыытыгар кыттыыны ыллылар: улуус хайыһарга спордун федерациятын бэрэссэдээтэлэ Охотин Валентин Андреевич уонна Игидэй нэһилиэгин баһылыга Захаров Руслан Алексеевич, күрэхтэһии кылаабынай судьуйата, оскуолабыт физкультураҕа учуутала Захаров Егор Кимович. Аныгы технологиялар олоххо киирэн иһэллэр. Быйылгы күрэхтэһии сонун көстүүтүнэн электроннай «ЧИП» туттуу. Ол аата, хайыһардьыт атаҕар «чип» кэтэрдэллэр. Хаһан стартаабытын, фиништээбитин компьютерга биллэрэр. Маннык «ЧИП» Алдан куоратыгар хайыһар баазатыгар эмиэ туттуллубут.

Бастакы күн биирдиилээн сүүрүү буолла.

Кыра кыргыттарга, 1 км барыта 6 кыыс сүүрдэ. Ордахова Виолетта (Дэбдиргэ) – 1 миэстэ, Лопатина Арианна (Дэбдиргэ) -2 миэстэ, Рахлеева Маша (Уолба) – 3 миэстэ.

Кыра уолаттарга 3 км уопсайа 9 уол кытынна. Баннов Олег (Дэбдиргэ) – 1 миэстэ, Винокуров Коля (Уус-Таатта) – 2 миэстэ, Лопатин Илья (Дэбдиргэ) – 3 миэстэ.

Кыра кыргыттар 2 км уопсайа 10 кыыс кытынна. Антоева Ганна (Дэбдиргэ) – 1 миэстэ, Турнина Нарияна (Дэбдиргэ) – 2 миэстэ, Находкина Туйаара (Уус Таатта) – 3 миэстэ.

Кыргыттар 3 км уопсайа 8 кыыс кытынна. Бочурова Сайыына (Уолба) – 1 миэстэ, Баишева Марина (Уус-Таатта ) – 2 миэстэ, Захарова Айгуль  (Дэбдиргэ) – 3 миэстэ.

Уолаттарга 6 км барыта 13 кыттааччы. Захаров Эдуард (Дэбдиргэ) – 1 миэстэ, Лопатин Семен (Дэбдиргэ) – 2 миэстэ, Капитонов Слава (Уолба) – 3 миэстэ.

Кыргыттар 3 км уопсайа 11 кыыс сүүрдэ. Неустроева Лиана (Уус-Таатта) – 1 миэстэ, Жулева Сайаана (Дэбдиргэ) – 2 миэстэ, Никонова Нарыйаана (Уолба) – 3 миэстэ.

Уолаттарга 6 км  уопсайа 9 уол сүүрдэ. Рахлеев Денис (Уолба) – 1 миэстэ, Васильев Айаал (Дэбдиргэ) – 2 миэстэ, Захаров Павел (Дэбдиргэ) -3 миэстэ.

Иккис күн эстафетаҕа Игидэй орто оскуолатын хайыһардьыт оҕолоро эрэллээхтик бастаатылар. Хайыһарга сыллата оҕолору тренер Оросин Софрон Егорович дьарыктыыр. Иккис миэстэҕэ Уус-Таатта хайыһардьыттара адьас кыранан хаалан таҕыстылар. Тренер, физкультура учуутала – Кочнев Алитет Иванович. Үһүс миэстэҕэ Уолба орто оскуолата таҕыста.

Күрэхтэһиини олус интэриэһинэйдик сырдатта, республикаҕа киэҥник биллэр комментатор Ермолаев Петр Петровичпыт төрөппүт уола, Сергей Петрович Ермолаев. Аҕатын суохтаппакка комментатордаата. Онтон кини кэргэнэ, олохтоох оскуола нуучча тылын учуутала Мария Павловна Ермолаева күрэхтэһии аһыллыыларын ыыппыта.

Саха тылын учуутала, СӨ үөрэҕириитин туйгуна Ефимова Варвара Константиновна социальнай ситимҥэ маннык суруйар: «Хаһан да тэрээһин баазаттан уонна хайыһар суолуттан саҕаланар. Ол курдук, Дэбдиргэҕэ сыллата хайыһар баазата тупсан иһэрин бэлиэтиир тоҕоостоох. Бу илиини араарбакка үлэлиир, нэһилиэк, улуус , правительство хайа да отчуотугар сылайары билбэккэ  сындалҕаннаахтык туруорсар Софрон Егорович Оросин үтүөтэ буолар. Быйыл ханна да суох хайыһар манеһын туттаран үлэҕэ киллэртэрдэ. Оҕолор дьарыктарыгар төһүү күүс буолла. Хайыһар баазатыгар оҕолор итии танаһы кэтэн дьарыктаналларыгар, иттэллэригэр, сынньаналларыгар анаан икки этээстээх дьиэ тутуллубута.Маны барытын оскуолаҕа дириэктэрдээн олорор кэмигэр Лопатин Виктор Васильевич сүрүннээн үлэҕэ киллэрбитэ.

Хайыһар күрэҕэр саамай улахан оруолу суолун оҥоруута (дорожка) быһаарар, Дэбдиргэ трассата сыллата олус үчүгэйдик оҥоһуллан тупсан иһэр. Манна сүрүн үлэһиттэринэн оскуола тырахтарыыһа Жулев Гавриил Васильевич уонна сыллата илиитин араарбакка баҕа өттүнэн көмөлөһөр бураан техникалаах Алдан Кутанатыттан төрүттээх Кузьмин Руслан Васильевич».

Улахан дьоӊӊо түмүк маннык таҕыста:

Эр дьонно 6 км Рахлеев Амос  (Уолба) 1-с миэстэ, Лопатин Андрей (Дэбдиргэ) 2-с миэстэ, Петров Никифор (Ытык Күөл) 3-с миэстэ.

Дьахталларга 3 км Оросина Чэмэлиинэ (Дэбдиргэ) 1-кы миэстэ, Жулева Ньургуйаана (Дэбдиргэ) – 2-с миэстэ, Андросова Сардаана (Ытык Күөл) 3-с миэстэ.

Дьахталларга ветераннарга 2 км Тихонова Лена (Ытык Күөл) 1-кы миэстэ, Варламова Татьяна (Чымнаайы) 2 –с миэстэ, Жулева Ньургустаана (Дэбдиргэ) 3-с миэстэ,

Бэтэрээн эр дьоҥҥо Оросин Софрон Егорович (Дэбдиргэ) – 1 миэстэ, Тарасенко Василий (Ытык Күөл) – 2 миэстэ, Алексеев Роман (Кыйы) – 3 миэстэ.

Нэһилиэктэр икки ардыларынааҕы комплекснай спартакиада түмүгэ маннык таҕыста: Игидэй – 1 миэстэ, Ытык Күөл – 2 миэстэ, Чымнаайы – 3 миэстэ.

Игидэй нэһилиэгин дьаһалтатын баһылыга Захаров Руслан Алексеевич күрэхтэһии кэмигэр улуус дьаһалтатыгар, улуус хайыһарга федерациятыгар, оскуола, КСК коллективтарыгар, тэрийсибит, кыттыбыт нэһилиэк хас биирдии олохтооҕор барҕа махтал тылларын эттэ. Дэбдиргэ түмсүүлээх, ханнык баҕарар көрүҥҥэ өрүү инники күөҥҥэ буоллун, норуот күүһэ – көмүөл күүһэ диэн этиитин түмүктээтэ.

Гизелла ПОПОВА, педагог-библиотекарь.

 Игидэй, Таатта.

Добавить комментарий

Ваш e-mail не будет опубликован. Обязательные поля помечены *