Ярыгин кубога-2026: Ким кими кытта хайдах?

// Красноярскайга, Иван Ярыгин кубогар спортивнай тустууга норуоттар икки ардыларынааҕы XXXVII турнир түмүктэннэ

Тустууга ханнык баҕарар улахан күрэхтэһии кэнниттэн “Дьулурҕан” урукку үгэһин тутуһан, маннык ааттаах ырытыы-суруйууну салгыыр. Ол курдук, буолан ааспыт улахан таһымнаах түһүлгэҕэ уолаттарбыт кимнээҕи кытта хайдах тустубуттарын сыыппаранан-чахчынан көрдөрөн ырытыы оҥоробут.

Быйылгы, Иван Ярыгин кубогар, атын дойдулартан кыттар биир дойдулаахтарбытын киллэрэн туран, барыта 26 бөҕөспүт күүһүн холосто. Боротокуолга суруллубутунан, кинилэр көбүөргэ тахсан 63-тэ туһуннулар (ол иһигэр 5 тустууга бэйэ-бэйэлэрин кытта кииристилэр) — итинтэн 32-гэр кыайдылар.

Ханныгын да иһин, иккис буолбут Виктор Рассадин (тренер А.К. Константинов), үһүс миэстэни ылбыт Арыйаан Тютрин (тренер И.И. Дмитриев) үчүгэй тустууну көрдөрөн, бэйэлэрин ыалдьааччыларын сэргэхсиппиттэрин бэлиэтиир оруннаах.

Мантан аллараа бэриллэр ырытыыттан көрдөххө, Виктор Рассадин (40 очукуону ылла – 10 очукуону сүүйтэрдэ), Айсен Потапов (21-15), Ньургун Сергин (17-15) – биэстии, Лев Павлов (7-8), Арыйаан Тютрин (29-19) – түөртүү эргиир туһуннулар. Атыттар көрдөрүүлэрэ хайдаҕын бэйэҕит ааҕан, ырытан көрүҥ…

Мантан хас биирдии киһи, чуолаан тустуу салалтата, туһааннаах тренердэр уонна тустууктар бэйэлэрэ ырытыы, түмүк оҥостуохтарын наада.

Бу түһүлгэҕэ биир дойдулаахтарбыт ким кими кытта хайдах тустубутун билсиҥ.

57 кг, квалификация

Федор Постников – Айаал Белолюбскай (Таджикистан) 3:7

Лев Павлов – Амир Чамзын (Тыва) +1:1

Любомир Ашеин – Вила Фромета (Куба) 6:0

Кэскил Семенов – Мухамет Каравус (Турция) 1:4

Артем Слепцов – Сарантуяа (Монголия) 12:1

Арыйаан Тютрин – сынньанар.

Финал 8/1

Лев Павлов – Федор Павлов (Красноярскай) 6:0

Димчик Батомункуев (Беларусь) – Айаал Белолюбскай (Таджикистан) 7:0

Артём Слепцов – Муса Мехтиханов (Дагестан) 0:11

Любомир Ашеин – Мухамет Каравус (Турция) 2:4

Арыйаан Тютрин (Беларусь) – Демир (Турция) 11:4

Финал 4/1

Лев Павлов – Мунх Эрдэнэ Батхуяг (Монголия) 1:2

Арыйаан Тютрин (Беларусь) – Рамиз Гамзатов (Ставрополь) 7:3, туше

Финал 2/1

Арыйаан Тютрин (Беларусь) — Муса Мехтиханов (Дагестан) 3:5

57 кг, уоскутар бөлөх тустуута

Лев Павлов – Ахмед Идрисов (Дагестан) 0:5

Артем Слепцов – Артур Чебодаев (Красноярскай) 4:7

57 кг, үһүс миэстэ иһин тустуу

Арыйаан Тютрин (Беларусь) — Мухамет Каравус (Турция) 8:7

61 кг, квалификация

Николай Щеглов – Александр Авелов 2:13

Финал 16/1

Манчаары Ильинов – Халид Магомедов (Дагестан) +1:1

Петр Константинов – Магомед Зубайров (Пермь) +2:2

Виктор Яковлев – Ганхулег Батнасан (Монголия) +1:1

Яков Павлов – Борис Баршуев (Бурятия) +3:3

Александр Авелов – Чермен Тавитов (Хотугу Осетия) 5:6

Финал 8/1

Манчаары Ильинов – Эрдэм Борогшонов (Бурятия) 0:7

Петр Константинов – Али Казымов (Москва) +2:2

Яков Павлов – Виктор Яковлев 1:3

Финал 4/1

Петр Константинов — Эрдэм Борогшонов (Бурятия) 2:5

Виктор Яковлев — Имам Умаров (Дагестан) 0:3, туше

61 кг, уоскутар бөлөх тустуута

Александр Авелов – Эмрах Орманоглу (Турция) 1:12

65 кг, квалификация

Василий Григорьев – С.Елгаш (Египет) 11:0

Юлиан Григорьев – Даниил Боднар (Красноярскай) +3:3

Владислав Кривошапкин – Р.Абдуллаев (Азербайджан) 6:3

Финал 8/1

Юлиан Григорьев — Арипгаджияв Абдуллаев (Калининград) 0:10

Владислав Кривошапкин — Джамбулат Кизинов (Хотугу Осетия) 1:4

Василий Григорьев — Эрдэм Шарастепанов (Бурятия) 12:2

Финал 4/1

Василий Григорьев — Чаяан Монгуш (Иркутскай/Тыва) 4:11

70 кг, квалификация

Игорь Матвеев – Упхоев (Бурятия) 4:7

Константин Капрынов – Билгуун (Монголия) 9:3

Виктор Рассадин – Ёрболати (Кытай) 10:0

Айсен Потапов – Умар Умаров (Дагестан) 6:1

Финал 8/1

Константин Капрынов – Айсен Потапов 0:4

Виктор Рассадин (Таджикистан) – Магомед Исубгаджиев (Дагестан) 8:0, туше

Финал 4/1

Виктор Рассадин (Таджикистан) — Айсен Потапов 9:2

Финал 2/1

Виктор Рассадин (Таджикистан) — Абдурахман Далгатов (Дагестан) 7:0

70 кг, уоскутар бөлөх тустуута

Айсен Потапов — Магомед Исубгаджиев (Дагестан) 5:1

70 кг, үһүс миэстэ иһин

Айсен Потапов — Абдурахман Далгатов (Дагестан) 4:4+

70 кг, финал

Виктор Рассадин (Таджикистан) – Давид Баев (Хотугу Осетия) 6:8

74 кг, квалификация

Владимир Бояновскай – Иналбек Шериев (Москва) 0:10

Олег Фомин – Тимур Бижоев (КБР) 0:4, туше

74 кг, санааны уоскутар бөлөххө тустуу

Олег Фомин – Ганбаат Найманжин (Монголия) 10:0

Олег Фомин — Имам Ганишов (Дагестан) 0:3

92 кг, финал 16/1

Ньургун Сергин – Бат Эрдэнэ Бямбасурен (Монголия) 2:0

Финал 8/1

Ньургун Сергин — Азамат Закуев (Крым) 5:2

Финал 4/1

Ньургун Сергин — Славик Наниев (Хотугу Осетия) 3:0

Финал 2/1

Ньургун Сергин — Мустафагаджи Малачдибиров (Дагестан) 6:8

92 кг, боруонса мэтээл иһин тустуу

Ньургун Сергин – Ахмед Мирзабеков (Дагестан) 1:5.

125 кг квалификация

Никита Софронов – К.Давудгаджиев (Дагестан) 3:7

Никита Хабаров – З.Сапаров (Туркменистан) 4:1

Харысхан Баппаҕай – У.Мунхбат (Монголия) 13:0

Финал 8/1

Никита Хабаров — Денис Хроменков (Беларусь) 2:3

Харысхан Баппаҕай — Инал Гаглоев (Хотугу Осетия) 0:10

125 кг, уоскутар бөлөх тустуута

Никита Софронов – Александр Гришин (Воронеж) +1:1

Никита Софронов — Денис Хроменков (Беларусь) 0:9.

Дьэ, уолаттарбыт тустуулара барыта маннык. Эһиги бэйэҕит бу сыыппаралары-чахчылары ырытан, тус сыанабылы, анаарыылары төһө баҕарар оҥоруоххутун сөп. Былырыын маннык күрэхтэһиигэ Лев Павлов (57 кг), Константин Капрынов (70 кг) — иккис, Александр Авелов (61 кг), Севиль Назарова (55 кг) — үһүс миэстэни ылбыттара. Быйыл легионердарбыт эрэ мэтээллэннилэр. Кыргыттарбыт олох да мэлийдилэр.

Көҥүл тустууга Саха сирин сүүмэрдэммит хамаандатын иннигэр уруккуттан-билиҥҥэ диэри икки улахан күрэхтэһии баар. Ол – Ярыгин турнира уонна Россия чемпионата. Бу түһүлгэлэр – ханнык регионнар сөптөөх үлэни ыыталларын сыаналыыр, улахан таһымнаах күрэхтэһиилэргэ бастыҥнары талар аналлаахтар. Ол сиэринэн, син биир урут эппиппин хатылыыбын: Ярыгин турнирын түмүгүнэн Саха сирин тустууга федерацията, Саха сирин спорка министиэристибэтэ, Саха сирин спорка бэлэмнэниигэ киинэ – сөптөөх ырытыыны, түмүктэри оҥороллоро күүтүллэр. Ханнык баҕарар эппиэттээх үлэҕэ ирдэбил, хонтуруол, сыанабыл уонна отчуот оҥоһуллуохтаах дии саныыбын.

PS: Турнир сонуннарын, уолаттарбыт тустууларын видеоларын, хаартыскалары – “Дьулурҕан” ситимигэр ааҕаргытыгар, көрөргүтүгэр ыҥырабыт:

Дьулурҕан интернеккэ сайта: dzulurgan.ru

Дьулурҕан телеграмҥа канала: t.me/dzulurgan

Дьулурҕанныын бииргэ буолуҥ!

Петр ПАВЛОВ.

Александр НАЗАРОВ хаартыската.