Аҕа дойду көмүскэлин күнүгэр…

Бүгүн Г.Г. Черкашин аатынан спортзалга биир дойдулаахпыт, «Мужество» орден кавалера, полиция капитана Бурцев Василий Васильевич сырдык аатын үйэтитиигэ 9-с төгүлүн ыытыллар биирдиилээн кыайыы иһин салгын саатынан ытыы аһаҕас турнира ыытылынна.

Күрэхтэһиигэ нэһилиэк олохтоохторо, атын сиргэ олорор биир дойдулаахтарбыт, ыаллыы сытар Өлтөх, Курбуһах, Суотту нэһилиэктэриттэн кыттыыны ыллылар. Күрэхтэһии 4 бөлөҕүнэн арахсан барыта 56 ытааччы күрэхтэстэ.

Оскуола оҕолоругар бастакы миэстэни Тарскай Айтал, иккиһи Стручкова Айыллаана, үһүс миэстэни Явловскай Талбан ыллылар.

Дьахталлар ортолоругар кыайыыны ситистэ Боярова Татьяна, иккис миэстэни ылла Копырина Туяра уонна  үһүс миэстэҕэ Копырина Александра таҕыста.

Эр дьон 18-н — 55 саастарыгар дылы бастакы миэстэ Явловскай Василий, иккис миэстэ Тарскай Лаврентий, үһүс миэстэ Копырин Афанасий буолла.

Ветераннарга 55-тэн үөһээ саастаахтарга бастакы миэстэни Валерий Стручков, иккис миэстэни Суоттуттан Петр Ушницкай, үсүһү Прокопий Колодезников ыллылар. Абсолютнай чемпиону быһаарар финалга алта элбэх очкону ылбыттар күрэхтэстилэр. Кыайыылааҕынан ааспыт сылга ыытыллыбыт Манчаары оонньууларын кыайыылааҕа Валерий Стручков буолла уонна анал мэтээлинэн, көһөрүллэ сылдьар Кубогынан наҕараадаланна.

Күрэхтэһии бары бөлөхтөрүн кыайыылаахтара Александр Егорович Бурцевтан салгын саалара бириис туттулар. Маны тэҥэ салгын саа анал бирииьинэн наҕараадаланнылар: Бурцев Денис (Бурцев Егор Васильевич бирииһэ), Румянцев Семён (Бурцев В.В. однокурсниктарын бирииһэ), Копырин Толя (Аммосов Дмитрий Викторович Муома улууһун баһылыга, бирииһэ).

Атын анал сыаналаах бириистэр хаһаайыттарынан буоллулар: Ширяева Изольда, Стручков Айаал, Бурцев Сулус, Николаев Эдуард (Суотту), Винокуров Эрхаан (Өлтөх), Березкина Тамара, Слепцов Алексей, Шепелев Александр, Лебедева Лидия, Михайлов Николай (ОВД), Терентьев Кирилл, Аммосов Семён (Суотту), Стручков Иван, Петров Василий, Васильев Станислав (Курбуһах).

Бары чемпионнар, призердар мэтээлинэн, грамотанан, призердар сыаналаах бириистэринэн наҕараадаланнылар. Бириистэри Бурцев В.В. кэргэнэ, кыыһа, бииргэ төрөөбүттэрэ, чугас аймахтара, У ИДьО начальник Скрябин Д.В., И.С. Портнягин аатынан Сыырдаах орто оскуолата, дириэктэр Петрова М.М., Бурцев В.В. оскуолаҕа, университекка бииргэ үөрэммит оҕолоро уонна олохтоох дьаһалта баһылыга И.П. Ильин.

Күрэхтэһии кэмигэр итии аһылыгы тэрийбит оскуола коллективыгар уонна атыыны тэрийбит Портнягина Надеждаҕа, Васильева Мираҕа, А.П. Иванов аатынан норуот айымньытын киинигэр (дириэктэр Бурцева Л.Л.) уонна бары күүс-көмө буолбут дьоммутугар махталбытын биллэрэбит.

Бүгүҥҥү Сыырдаахха күрэх биир уратытынан күрэҕи тэрийээччилэр ыҥырыыларынан куораттан 1 категориялаах судьуйа Надежда Егорова кэлэн судействоҕа көмөлөстө, 3-с спортивнай разряд толорбуттарга квалификационнай книжка туттартаата.

Бэрт Ууһун нэһилиэгин дьаһалтата.

Уус Алдан.