Саха тыла саргыланнын…

Р.М. Дмитриев аатынан Олимпийскай эрэл училищетыгар сылын аайы ыытыллар төрөөбүт тыл, сурук-бичик күнэ бэлиэтэннэ. Сомоҕолуур күүстээх Ийэ тыл күнүн тэрээһиннэригэр бары өрө көтөҕүллэн туран кытыннылар.

Үөрүүлээх линейкаҕа буруо таһааран арчыланныбыт, алгыстаах алаадьынан күндүлээтибит, сахалыы остуол оонньуулара тэрилиннэ. «Саха тылдьыттара» диэн бэрт сэдэх кинигэлэрдээх быыстапка дьон сэҥээриитин ылла, болҕомтотун тарта. Төрөөбүт тыл туһунан поэттар бэргэн этиилэрин оҕолор аахтылар.

«Өбүгэм удьуорун утумнаан», «Толкуйдаа. Оонньоо. Кыай», «Кини кимий?» диэн билиини тургутар араас күрэхтэри 4-с куурус устудьуоннара Ян Афанасьев, Стас Слепцов, Алина Кривошапкина, Вася Слепцов, Эрэл Леонтьев, Ринат Троев иилээн-саҕалаан ыыттылар.

Кыайыы өрөгөйүн 9-с кылаас (салайааччы Пермякова Т.Д.), 2(1) куурус (куратор Капитонова М.В.), 4(2) куурус (куратор Гаврильева Л.Н.) хамаандалара биллилэр. «Өркөн Өй» биһирэбил бирииһи Протодьяконов Петр Юрьевич, Борислав Габышев туттулар.

Ийэ тылбыт – биһиги баайбыт. Сахалыы сайаҕастык саҥарар, иэйиибитин истиҥник этинэр Ийэ тылбыт үйэлэргэ сүппэккэ үүнэ-сайда турдун.

Тыл биридимиэттэрин холбоһуга.