Сонуннар

Тарскай-2024: Коллекционердар быыстапкалаатылар

Бороҕоҥҥо көҥүл тустууга республика биирдиилээн уонна хамаанданан бастыыр иһин чемпионатын чэрчитинэн, Н.Н. Тарскай аатынан Спорт дыбарыаһыгар икки этээһинэн киэҥ хабааннаах быыстапка туруорулунна.

Манна улуустааҕы библиотека, музей, Баатаҕайдааҕы Н.Н. Тарскай аатынан музей уонна «Умсулҕан» коллекционердар кулууптара сүрүннээн спорт, тустуу туһунан сэдэх экспонаттары көрдөрүүгэ туруордулар. Холобур, Дыбарыас иккис этээһигэр республикаҕа киэҥник биллэр «Умсулҕан» коллекционердар кулууптарын (салайааччы Станислав Луковцев) кыттыылаахтара Иван Сивцев, Мария Борисова, Анна Федорова, Татьяна Алексеева, Матрена Москвитина — спорду таптааччыларга бэйэлэрин мунньууларын көрдөрдүлэр.

Санатан эттэххэ, Саха сиригэр физическэй култуура уонна спорт талааннаах салайааччыта, биллиилээх государственнай деятель Николай Николаевич Тарскай төрөөбүтэ 100 сылынан сибээстээн мантан ыла республикаҕа да, улууска даҕаны элбэх улахан таһымнаах тэрээһиннэр ыытыллыахтара. Онно Н.Н. Тарскай биир дойдулаахтара, Уус Алдан дьоно-сэргэтэ бэлэмнэнэн, көхтөөхтүк кыттарга былааннанар.

Ол биир туоһутунан чемпионат кэмигэр баай ис хоһоонноох быыстапкалар Спорт дыбарыаһыгар тилэри тардыллыбыттара буолар. Спорду таптааччылар, көҥүл тустууну сэҥээрээччилэр — коллекционердар бу быыстапкаларын кэрэхсээн көрөргүтүгэр ыҥырабыт.

Петр Павлов.

Ааптар хаартыскаҕа түһэриилэрэ.

Добавить комментарий

Ваш адрес email не будет опубликован. Обязательные поля помечены *

137695
Бүгүн : 159