Үөрэнээччи Прокопий Говоров дьоһун ситиһиитэ

Москва уобалаһын Одинцовскай оройуонугар ыытыллыбыт нуучча дуобатыгар Россия чемпионатыгар Саха сирин спортсменнара ситиһиилээхтик кытыннылар.

Ол курдук, эр дьоҥҥо международнай гроссмейстердар Гаврил Колесов, Николай Стручков, маастарга кандидат Прокопий Говоров састааптаах Саха сирин хамаандата 1-кы миэстэни ылла. Иккис миэстэ – Москва, үһүс миэстэ – Санкт Петербург буоллулар.

Чемпионакка Прокопий алта гроссмейстеры кытта көрсөн – 1 кыайда, 4 тэҥнэстэ, 1 хоттордо. Ити курдук икки спорт маастарын кытта көрүстэ: 1 кыайыы, 1 тэҥнэһии. Үс маастарга кандидаты кытта оонньоон – 2 кыайыы, 1 тэҥнэһии. Түмүккэ 14 очколанна, онон 5-тэн – 13-с миэстэҕэ диэри үллэстэн, коэффициенынан уон биирис миэстэни ылла.

Проня Говоров маастара кандидат, Мэҥэ Хаҥалас улууhун Мэлдьэхси орто оскуолатын 10-с кылааhын үөрэнээччитэ. Тренерэ – Саха Республикатын үтүөлээх тренерэ Василий Куприянов.

Маны тэҥэ классическай программаҕа Сандаара Апросимова дьахталларга бастаата, Гаврил Колесов эр дьоҥҥо иккис буолла.

Дуобатчыттарбыт өрүү буоларыныы, кыайыы көтөллөөх, саха спордун былааҕын күөрэччи тута сылдьаллара кэрэхсэбиллээх. Эҕэрдэлиибит!

«Дьулур5ан».