Эрхан Бысыин уочараттаах ситиһиитэ

Майкоп (Адыгея). Манна альпинизмҥа, скайраннинг хайаҕа сүүрүүгэ көрүҥэр Россия Кубогын бэһис, бүтэһик түһүмэҕэ ыытыллан түмүктэннэ. Биһиги биир дойдулаахпыт Эрхан Бысыин 24 км, 1350 м үрдүктээх сиргэ сүүрүүгэ иккис миэстэлэннэ. Көрдөрүүтэ: 2 чаас 19 мүн. 58 сөк. Күрэхтэһиигэ барыта 24 спортсмен күрэс былдьаста.

Онон Россия Кубогын биэс түһүмэҕин түмүгүнэн Эрхан иккис миэстэлэннэ. Санатан эттэххэ, кини спорт бу саҥа сонун көрүҥэр Россия сүүмэрдэммит хамаандатын састаабыгар алтыс сылын киирэрин бигэргэттэ.

Биир дойдулаахпытын бу ситиһиитинэн эҕэрдэлиибит!

«Дьулурҕан».