Россия чемпионатыгар алта бөҕөспүт кыттыаҕа

Москва уобалаһын Дзержинскэй куоратыгар от ыйын 12-14 күннэригэр көҥүл тустууга көбүөр маастардарын Россия үрдүнэн бастыыр иһин чемпионаттара ыытыллар. Быйылгы түһүлгэ, дойдуга бэтэрээн-тустууктары сүрүннүүр аан дойду чемпиона Ванико Маргарян үбүлүөйдээх 75 сааһыгар ананан ыытыллар.

Саха сириттэн бу чемпионакка алта бөҕөс барда. Көҥүл тустууга ССРС спордун маастардара: Василий Шепелев, Николай Григорьев, маастарга кандидаттар Вадим ДаниловВасилий Уйгуров, Алексей Некрасов, Герасим Дьяконов.

Санатан эттэххэ, күрэхтэһии Тустуу аан дойдутааҕы түмсүүтүн (UWW) быраабылатынан ыытыллар. Ол курдук, дивизионнар манныктар: А (35-40 саастаахтар), В (41-45),С (46-50), Д (51-55), Е (56-60), Ф (61-65), Г (66-70).

Ыйааһыннар: 62, 70, 78, 88, 100, 130 кг.

Бөҕөстөрбүтүгэр, сахалыы сиэринэн улаханнык салгыны хамсаппакка ситиһиини баҕарабыт уонна сэмээр үчүгэй сонуну кэтэһэбит. Өттүк харалаах, илии тутуурдаах кэлэллэригэр баҕарабыт.

“Дьулурҕан”.

Добавить комментарий

Ваш e-mail не будет опубликован. Обязательные поля помечены *