Дуобакка аан дойду чемпионата: Дарья Федорович (Беларусь) бастаан иһэр

Сорук быһыытынан, “Триумф” Спорка бэлэмнэнии киинигэр ыытылла турар, сүүс харахтаах дуобакка дьахталларга аан дойду чемпионатын туурдарын түмүгүн хас күн аайы билиһиннэриибитин салгыыбыт. Ол курдук, бүгүн икки туур оонньоонно.

Кыргыттарбыт оонньууларын билиһиннэрдэххэ, сарсыардааҥҥы күрэхтэһиигэ Ксения Нахова уонна Матрена Ноговицына – бастыҥнар кэккэлэригэр иһэр Ю Жаны (Кытай) уонна Наталья Садовсканы (Польша) кытта тэҥнэстилэр. Оттон Наталья Шестакова – Полина Петрусеваҕа (Беларусь) хотторон кэбистэ.

Онус туур түмүгэ:

Ксения Нахова (Россия) – Ю Жанг (Кытай) 1:1

Виктория Мотричко (Украина) – Хуслен Энхболд (Монголия) 1:1

Хейке Верхул (Нидерланды) – Эрса Негбре (Кот-д, Ивуар) 1:1

Наталья Шестакова (Россия) – Полина Петрусева (Беларусь) 0:2

Тамара Тансыккужина (Россия) – Дарья Федорович (Беларусь) 1:1

Айгуль Идрисова (Россия) – Ольга Федорович (Беларусь) 1:1

Матрена Ноговицына (Россия) – Наталья Садовска (Польша) 1:1

Ханцинь Чжао (Кытай) – Аннелайн Якобс (Аруба) 2:0.

Күн иккис аҥаарыгар аҕыс оонньууттан – үс көрсүһүү кыайыынан түмүктэннэ. Үөрүүлээҕэ баар, ити кыайыылары биһиги кыргыттарбыт ситистилэр. Миигин, дуобаттан ыраах киһини бырастыы гыныҥ, ол эрээри, Нахова уонна Шестакова кыайыахтаах этилэр. Оттон Матрена Ноговицына, билиҥҥи туругунан инники кэккэҕэ иһэр Ольга Федоровиһы (Беларусь) кыайыыта, улаханнык сыаналаныахтаах дии саныыбын.

Уон биирис туур түмүгэ:

Аннелайн Якобс (Аруба) – Ксения Нахова (Россия) 0:2

Наталья Садовска (Польша) – Ханьцин Чжао (Кытай) 1:1

Ольга Федорович (Беларусь) – Матрена Ноговицына (Россия) 0:2

Дарья Федорович (Беларусь) – Айгуль Идрисова (Россия) 1:1

Полина Петрусева (Беларусь) – Тамара Тансыккужина (Россия) 1:1

Эрса Негбре (Кот-д, Ивуар) – Наталья Шестакова (Россия) 0:2

Хуслен Энхболд (Монголия) – Хейке Верхул (Нидерланды) 1:1

Ю Жанг (Кытай) – Виктория Мотричко (Украина) 1:1.

Онон, билиҥҥи туругунан балаһыанньа маннык: Дарья Федорович (Беларусь) 15 очукуолаах син биир бастаан иһэр балаһыанньатын ыһыктыбата. Киниттэн биир очукуонан хаалан, Ханьцин Чжао (Кытай), Наталья Садовска (Польша), Ю Жанг (Кытай) тилэх баттаһан иһэллэр. Салгыы Тамара Тансыккужина (Россия), Айгуль Идрисова (Россия), Матрена Ноговицына (Россия), Ольга Федорович (Беларусь), Ксения Нахова (Россия) – 13- очукуолаахтар. Полина Петрусева (Беларусь) – 12 очукуолаах. Оттон Наталья Шестакова (Россия) – 11, Виктория Мотричко (Украина) – 10, Хейке Верхул (Нидерланды) – 9, Хуслен Энхболд (Монголия) – 8, Эрса Негбре (Кот-д, Ивуар) – 4 очукуолаахтар, Аннелайн Якобс (Аруба) – 0.

Аны сарсын, бэс ыйын 19 күнүгэр сарсыарда 10:00 чаастан 12-c туур оонньонор. Онуоха Ксения Нахова – Виктория Мотричкону (Украина), Наталья Шестакова – Хуслен Энхболду (Монголия), Матрена Ноговицына – Дарья Федоровиһы (Беларусь) кытта оонньуохтара. Кыргыттарбытыгар ситиһиини баҕарыахха!

Петр ПАВЛОВ.

Добавить комментарий

Ваш e-mail не будет опубликован. Обязательные поля помечены *