Уус Алдан волейболистара Благовещенскайга

Саха сирин волейболга историятыгар аан бастаан быйылгы сылга тыа сирин улуустара республика таһыгар: аммалар Бурятия Курумкан оройуонугар, оттон уус алданнар Благовещенскайга тиийэн күрэхтэстилэр. Күрэхтэһиини таһынан хамаандалар улуустара шефтэһэр оройуоннарын историяларын, социальнай-экономическай сайдыыларын кытта билистилэр.

Уус Алдан хамаандата төһө да толору састаабынан кыттыбатар, уопуттаах оонньооччулары таһынан, төһө да улууска эдэр оонньооччуларбыт аҕыйахтарын иһин, икки уолбут баран кытынна. Уһук Илин күүстээх нападающайдарын охсууларын, силовой подачаларын, истиэнэ курдук блоктарын бэйэлэригэр боруобалаатылар. Туохха мөлтөхпүтүн көрдүбүт. Бу иннинэ республика таһыгар тахсыбатах волейболист-уолаттар, эдэр тренербит Анатолий Васильев уопут ыллылар, атын хамаандалар тренердэрин, оонньооччуларын кытта билистилэр.

Уус Алдан хамаандатыттан Ньургун Сивцев “Бастыҥ оонньооччу” бирииһинэн бэлиэтэннэ. Онон төһө да кыайтарыы буоллар – бастыыр сыалы туруорбатахпыт. Бу тахсыы туһалаах өттө элбэх.

Амурскай уобалас Ивановскай оройуонун кытта Уус Алдан улууһа социальнай- экономическай сыһыаннаһыыларга бииргэ үлэлииргэ дуогабардаах. Биһиги оройуон солбуйааччы баһылыгын кытта көрүстүбүт, ДЮСШ сырыттыбыт, краеведческай музейы көрдүбүт.

Улууспут федерациятыгар, саҥа бэрэстээтэл Иннокентий Аммосовка, спорт отделын начальнигар Константин Давыдовка, көмө буолбут дьоммутугар бары кыттыбыт уолаттартан БАРҔА МАХТАЛ!!! Баай историялаах, үгүс ситиһиилэрдээх Уус Алдан улууһун волейболга хамаандалара инники да өттүгэр ситиһиилэнэллэригэр баҕарыаҕыҥ!

Хамаанда тренерэ Яков СИВЦЕВ.

Добавить комментарий

Ваш e-mail не будет опубликован. Обязательные поля помечены *