Училище түһүлгэтэ Михаил Скрябин аатынан тэриллэн ыытылынна

Саха Республикатын үтүөлээх тренерэ, Амма улууһун бочуоттаах гражданина Михаил Степанович Скрябин кэриэһигэр Р.М. Дмитриев аатынан Олимпийскай эрэл училищетын көҥүл тустууга 23-гэр диэри саастаахтарга аһаҕас республикатааҕы турнира ыытыллан түмүктэннэ.

Түһүлгэҕэ М.К. Аммосов аатынан Хотугулуу Илиҥҥи федеральнай университет, Дьокуускайдааҕы уонна Чурапчытааҕы Спорка бэлэмнэнии кииннэрин, Сунтаар уонна Уус Алдан улуустарын, В.П. Керемясов аатынан Дьокуускай куорат 3 №-дээх спортивнай оскуолатын, Р.М. Дмитриев аатынан Олимпийскай эрэл училищетын – 71 эдэр бөҕөһө күөн көрүстэ. Кинилэр ортолоругар РФ спордун 5 маастара, 29 маастарга кандидата кыттан, түһүлгэни сытыырхаттылар.

Көҥүл тустууну тэҥэ икки ыйааһыҥҥа тренердэр Кирилл Павлов, Матвей Матвеев, Рустам Аджи иитиллээччилэрэ гректии-римнии тустууга ким күүстээҕин, бастыҥын быһаарыстылар. Маныаха Үөһээ Дьааҥы ыччата Христофор Потапов көҥүл тустууга үһүс буолбут буоллаҕына, гректии-римнии тустууга иккис миэстэҕэ тахсан, бу турнирга икки мэтээлгэ тиксибит соҕотох бөҕөһүнэн буолла.

Күрэхтэһии үөрүүлээх аһыллыытыгар республикатааҕы Спорка бэлэмнэнии киинин дириэктэрэ Леонид Спиридонов, Олимпийскай эрэл училищетын дириэктэрэ Алексей Филиппов, Амма улууһун баһылыга Николай Архипов, М.С. Скрябин дьиэ кэргэттэрэ кыттыыны ыллылар. Кинилэр эдэр бөҕөстөргө ситиһиилэри, ким үчүгэй бэлэмнээх, кыайыыга дьулуурдаах – ол кыайарыгар баҕардылар.

Түһүлгэ кылаабынай судьуйата Станислав Афанасьев: “Олимпийскай эрэл училищетын аһаҕас турнира сүүрбэһис төгүлүн ыытылынна. Бу турнирга үтүөлээх тренер Михаил Степанович Скрябин аата иҥэриллибитэ. Үбүлүөйдээх турнир бастыҥ бөҕөстөрүнэн икки бастакы ыйааһын кыайыылаахтара, спорт маастардара Петр Копылов уонна Егор Потапов ааттаннылар. Кинилэр М.С. Скрябин дьиэ кэргэнин уонна эдьиийин аатыттан 10-нуу тыһ. солк. харчынан наҕараадаланнылар”.

Түһүлгэ түмүк көрдөрүүтэ

Көҥүл тустууга:

57 кг: (20 кыттааччы): 1. Петр Копылов, 2. Егор Вензель, 3. Рудольф Гоголев, Александр Авелов (бары ОЭУ-тан).

61 кг (14): 1. Егор Потапов, 2. Михаил Иванов, 3. Уйгулан Иванов (үһүөн – ОЭУ), Ньургун Терентьев (Чурапчы).

65 кг (10): 1. Айтал Захаров (Чурапчы), 2. Валентин Судинов, 3. Василий Яковлев (иккиэн – ОЭУ), Быйаман Яковлев (Чурапчы).

70 кг (8): 1. Вальтер Владимиров (ОЭУ), 2. Александр Неустроев, 3. Христофор Потапов, Николай Захаров (үһүөн – Чурапчыттан).

74 кг (8): 1. Албан Аввакумов (ОЭУ), 2. Стив Попов (Чурапчы), 3. Андриан Ленскэй (ОЭУ).

79 кг (3): 1. Никита Софронов (ХИФУ), 2. Василий Спиридонов (ОЭУ), 3. Руслан Старостин (ДЮСШ-3).

86 кг (5): 1. Алексей Ефимов, 2. Мичил Шкулев, 3. Алексей Мигалкин (үһүөн – ХИФУ).

92 кг (3): 1. Семен Аммосов, 2. Александр Филиппов (иккиэн – Чурапчы), 3. Артем Сивцев (Дьокуускай).

97 кг (1): 1. Харысхал Николаев (ОЭУ).

125 кг (1): 1. Никита Хабаров (ОЭУ).

Гректии-римнии тустууга:

57 кг (6): 1. Саша Гурьев, 2. Айсен Никифоров, 3. Семен Федоров (үһүөн – ОЭУ).

+57 кг (12): 1. Магзагбек Уулу Адлет, 2. Христофор Потапов, 3. Гаврил Макаров (үһүөн – ОЭУ).

Петр ПАВЛОВ.

Добавить комментарий

Ваш e-mail не будет опубликован. Обязательные поля помечены *